رووداو - سلێمانی
گوندی خەمزە دەکەوێتە 16 کیلۆمەتر لەلای باکووری رۆژئاوایی سلێمانی، لە دامێنی چیایی ئەزمەڕ و یەکێکە لە گوندە کۆنەکانی کوردستان، کە بەزستانان بەفرێکی زۆری لێ دەبارێت و بە هاوینانیش ئاو و هەوایەکی سازگاری هەیە.
بەقسەی دانیشتووانی گوندەکە، مێژووی ئاوەدانکردنەوەی گوندی خەمزە دەگەڕێتەوە بۆ چەند هەزار ساڵ پێش ئێستا، بۆ ئەوەیش پشت بەو کوپە و بەرد و کەرستانە دەبەستن کە لە گوندەکەدا دۆزراونەتەوە و ئێستا لە مۆزەخانەی سلێمانی پارێزراون.
گوندی خەمزە لە سەرەتای هەشتاکانی سەدەی رابردوودا، نزیکە سەد ماڵی تێدابووە و چەندینجار لەلایەن بەعسەوە وێرانکراوە، ئێستادا نزیکە 10ماڵ گوندەکەیان ئاوەدان کردۆتەوە.
پێداچوونەوە: راوچی حەسەن
