رووداو دیجیتاڵ
هێرشێکی درۆنی کرایەوە سەر یەکێک لە گەڕەکەکانی سلێمانی. ئاسایش دەڵێت، "زیانی گیانی نەبووە".
ئێوارەی رۆژی دووشەممە، دەزگای ئاسایشی هەرێمی کوردستان (ئاسایشی سلێمانی) رایگەیاند: "کاژیر 07:40ـی ئێوارەی ئەمڕۆ، بە درۆنێک هێرشکرایە سەر گردی ریعایە لە سلێمانی".
ئەو شوێنەی هێرشی کراوەتە سەر، بارەگای پێشووی نەتەوە یەکگرتووەکان بوو لە شارەکە و لە یەک مانگی رابردوودا چەند جارێکی دیکە هێرش دژی ئەنجام دراوە. ئاسایش دەڵێت: "هێرشەکەی ئەم ئێوارەیە زیانی گیانی نەبووە".
لە 28ـی شوباتەوە کە جەنگی ئەمریکا و ئیسرائیل دژی ئێران دەستیپێکردووە، هێرشکردن بۆ سەر هەرێمی کوردستان دەستیپێکردووە.
بەگوێرەی بەدواداچوونی رۆژانەی تۆڕی میدیایی رووداو، لە دەستپێکی هێرشەکانەوە تاوەکو ئەمڕۆ، بە 504 درۆن و مووشەک هێرش کراوەتە سەر هەرێمی کوردستان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ