کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

Article hero image
سۆران بەهائەددین
سۆران بەهائەددین·14-01-2025رۆژهەڵاتی نێوەڕاست
سۆران بەهائەددین

بڵاوکراوەتەوە لەلایەن

سۆران بەهائەددین
14-01-2025
رۆژهەڵاتی نێوەڕاست
رۆژهەڵاتی نێوەڕاست

بە وێنە؛ مەزارگەی ئیمام شافعی لە گەڕەکێکی هەژارنشینی قاهیرەیە

0:00
0:00
قەبارەی دەق
 
رووداو دیجیتاڵ 

مەزارگەی ئیمام شافعی لە یەکێک لە گەڕەکە دێرین و هەژارنشینەکانی قاهیرەی پایتەختی میسرە کە بە قاهیرەی مێژوویی (کۆن) ناسراوە.
 
مەزارگەکە لەلایەن یونسکۆوە وەک میراتی جیهانی پۆلێن کراوە و بە بەردەوامی خەڵکی ناوچەکە و گەشتیاران سەردانی دەکەن.
 
زۆرترینی ئەوانەی سەردانی گۆڕەکە دەکەن، ژنانانن، هەروەها ژمارەیەکی بەرچاو لە گەشتیارانی ئیندۆنیزی و مالیزی دەبینرێن. گەشتیاران پۆل پۆل سەردانی مەزارگەکە دەکەن و نزا دەکەن، هەندێک جاریش دڵیان پڕدەبێت و دەگریێن. 
 
گۆڕی ئیمام شافعی لە ژوورێکی چوارگۆشەی مزگەوتەکە دایە و ئەوەی جێگەی سەرنجی گەشتیارانە، شاکار و نەخش و کاری دەستییە کە "ژینگەیەکی رۆحانی تەواویان دەبەخشێت." 
 
لەسەر گۆڕەکەی ئیمام شافعی کڵاوێک هەیە لەلایەن سوڵتان سەلاحەدینی ئەیووبی دروستکراوە، هەر ئەو سوڵتانە کوردە مەزارگەکەی نۆژەنکردووەتەوە. 
 
ئەم مەزاگەیە جگە لەوەیەی گۆڕی کەسایەتییەکی گەوەرەی جیهانیی ئیسلامی لێیە، وەک شوێنەوارێکی گرنگی میسر و جیهان دەستنیشان کراوە. بۆیە لە ساڵی 2016-2021 لەلایەن وەزارەتی گەشت و شوێنەواری میسرەوە بە بڕی زیاتر لە یەک ملیۆن دۆلار  نۆژەنکراوەتەوە.
 
محەممەدی کوڕی ئیدریسی شافعی (767-820) لە غەززە لە دایکبووە، بۆ خوێندن سەردانی مەککە، مەدینە، یەمەن و بەغدای کردووە و کۆتایی ژیانی لە قاهیرە بووە.
 
مەزهەبی شافعی، یەکێکە لە چوار مەزهەبەکەی سوننە، زۆرینەی کوردی موسڵمان ئەو مەزهەبە پەیڕەو دەکەن. هەروەها بەشی زۆری موسڵمانانی سوننە لە میسر، سووریا، ئوردن، ئیندۆنیزیا، مالیزیا، فەلەستین، رۆژهەڵاتی ئەفریقا، باشووری هیندستان، یەمەن، عومان و عێراق ئەو مەزهەبە پەیڕەو دەکەن. 
 
 
 
 

 

پێشنیازەکان