سوپای ئیسرائیل: هێرشی ئێران دەستیپێکرد
رووداو دیجیتاڵ
سوپای ئیسرائیل دەڵێت، هێرشی ئێران دەستیپێکردووە و هۆشداری بە هاووڵاتییان دەدات کە سەرنجی سەرەکی تاران لەسەر نێوەڕاستی ئیسرائیلە.
ئەفیخای ئەدرەعی، گوتەبێژی سوپای ئیسرائیل لە تۆڕی کۆمەڵایەتی ئێکس نووسی: "هاویشتنی مووشەک لە ئێرانەوە بەرەو خاکی ئیسرائیل تۆمار کراوە".
گوتەبێژەکەی سوپای ئیسرائیل ئاماژەی بەوەش کرد: "سیستەمەکانی بەرگریی ئاسمانی کار بۆ بەرپەرچدانەوەی هەڕەشەکان دەکەن."
سوپای ئیسرائیل هۆشداری بە هاووڵاتیان دا کە خۆیان لە شوێنە گشتییەکان بەدوور بگرن و ئەگەر پێویستی کرد بچنە حەشارگەکان.