رووداو - هەولێر
کاژێر ١٢ی شەوی چوارشەممە شا سەلمان بن عەبدولعەزیز پاشای عەرەبستانی سعودییە فەرمان بە کوڕە گەنجەکەی دەکات کە هێرش بۆ سەر حوسییەکان لە یەمەن دەستپێبکات.
کوڕەکەی پاشا ناوی محەممەد بن سەلمانە، وەزیری بەرگری سعودییە و نزیکترین کەسە لە باوکی.
محەممەد کوڕی شەشەمی شا سەلمانە، لە ساڵی ١٩٨٥ لە دایکبووە و کۆلێژی یاسای تەواوکردووە.
محەممەد بن سەلمان ئێستا سەرپەرشتیاری هێرشی سعودیە و وڵاتانی کەنداو دەکات بۆ سەر یەمەن بۆ پشتیوانی لە سەرۆکی ئەو وڵاتە مەنسوور هادی، کە هێرشەکە بە “گەردەلوولی بەهێز” ناودەبرێ.
لە شەوی یەکەمی هێرشەکەشدا چەندین فڕۆکە و بنکەی سەربازی حوسییەکان وێرانکراوە. دوای چەند کاژێرێکیش ئاژانسی سعودیە وێنەی کوڕە گەنجەکەی شا-ی بڵاوکردەوە کە لە سەنتەری هێزە چەکدارەکانی سعودیەوە سەرپەرشتی "گەردەلوولەکەی" دەکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ