داعش هه‌ڕه‌شه‌ى سه‌ربڕينى شاى ئوردن ده‌كات

هه‌وراز گوڵپى

رووداو- 
ئاژانسەکان

رێكخراوى داعش په‌يامێكى هه‌ڕه‌شه‌ ئامێز ئاڕاسته‌ى سوپاى ئوردن و شاى ئه‌و وڵاته‌ ده‌كات و ده‌ڵێت، ئێمه‌ تامه‌زرۆى ديدارى ئێوه‌ين بۆ ئه‌وه‌ى سه‌رتان ببڕين، تۆبه‌ش بكه‌ن پێش ئه‌وه‌ى نوكى چه‌قۆى نه‌وه‌كانى ئه‌بوموسعه‌ب زه‌رقاوى بگاته‌ ملتان.

په‌يامه‌كه‌ كه‌ به‌گرته‌يه‌كى ڤيديۆى ئاڕاسته‌كراوه‌و ناونيشانى ( په‌يامێك بۆ ئوردن)ى لێنراوه‌ تێيدا داوا ده‌كات گه‌لى ئوردن چيتر پشتگيرى ده‌سه‌ڵاتى ئه‌و وڵاته‌ نه‌كه‌ن و رێگرى بكه‌ن له‌وه‌ى كوڕه‌كانيان بچنه‌ ريزى سوپاى وڵاته‌كه‌يانه‌وه‌.

هه‌روه‌ك به‌ بنه‌ماڵه‌ى مه‌عاز كه‌ساسبه‌ فڕۆكه‌وانه‌ ئوردنيه‌كه‌ ده‌ڵێن، به‌س ئێوه‌ نين كه‌ جه‌رگتان سووتاوه‌،  ئايا نابينن فڕۆكه‌كانى هاوپه‌يمانان چى به‌ موسڵمانان دەکەن له‌ ده‌وڵه‌تى ئيسلامى.