رووداو - هەولێر
کەیوان کەریمی، فیلمسازی خەڵکی رۆژهەڵاتی کوردستان، کە سزاى یەک ساڵ زیندانی بەسەردا سەپاوە، بۆ جێبەجێکردنی حوکمەکەی بۆ زیندانی ئەوینی تاران گواسترایەوە.
کەیوان کەریمی بەهۆی فیلمی "نووسین لەسەر شار" دەستبەسەرکرا. ئەو فیلمە باس لە نووسینی دروشمی ناڕەزایەتی لەسەر دیوارەکان دەکات.
دادگای بەرایی کەیوان کەریمی بە 6 ساڵ زیندان مەحکوم کرد، بەڵام دادگای پێداچوونەوە ئەو حکومەی بۆ یەک ساڵ زیندان و 223 قامچی گۆڕی.
گرتن و زیندانیکردنی کەیوان کەریمی ناڕەزایەتی زۆری لەنێو چالاکانی مافی مرۆڤ و فیلمسازانی ئێرانیدا لێکەوتووەتەوە. پێشتر 137 فیلمسازی ئێرانی داوایان لە دەزگای دادی ئێران کردبوو تۆمەتەکەی لەسەر لابدرێت.
کەیوان کەریمی خەڵکی شاری بانەی سەر بە پارێزگای سنەیە. تەمەنی 30 ساڵە و لە تاران خوێندنی تەواوکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ