رووداو دیجیتاڵ
سەرۆکی یەکێتیی پیشەسازییەکانی عێراق دەڵێت، 25 جۆر لە بەرهەمە خۆراکی و پیشەسازییەکان هەناردەی وڵاتانی کەنداو و چەند وڵاتێکی ئەورووپی دەکەن.
ئەمڕۆ پێنجشەممە، 8ـی ئایار، عادل عەکاب بە تۆڕی میدیایی رووداوی راگەیاند، "عێراق لەمساڵدا 25 جۆر بەرهەمی هەمەجۆری خۆراکی و پیشەسازی هەناردەی وڵاتانی دەرەوە دەکات، کە بەشێکی زۆریان بۆ وڵاتانی کەنداو و چەند وڵاتێکی ئەورووپی هەناردە دەکرێن."
بە گوتەی سەرۆکی یەکێتیی پیشەسازییەکانی عێراق، دیارترین ئەو بەرهەمانەی هەناردە دەکرێن ئەمانەن: خواردنەوە گازی و وزەبەخشەکان، شەربەتی سروشتی و بەرهەمهێنراو، مرەبا، راشی، بسکویت، جۆرەکانی بەهارات، چپسی پەتاتە، بۆریی کشتوکاڵی، دەرگا و پەنجەرەی PVC، مافوور، کێبڵی کارەبایی، کاشی مۆزاییک.
عادل عەکاب دەڵێت، زۆرترین پاڵپشتی کەرتی پیشەسازی وڵات دەکەن و هەوڵ دەدەن بازنەی بەرهەمە پیشەسازییەکانیش فراوانتر بکەن.