رووداو دیجیتاڵ
ئەفسەرێک و چوار ئەندامی خێزانەکەی لە قەزای شارەبان بریندار بوون. پۆلیسی پارێزگای دیالە دەڵێت، "بوتڵی گاز گڕی گرتووە و رووداوەکە تیرۆیستی نییە."
شەوی رابردوو، لە قەزای شارەبانی سنووری پارێزگای دیالە، بوتڵێکی گاز لە ماڵی ئەفسەرێکی سوپای عێراقی گڕیگرت و بەو هۆیەوە ئەفسەرەکە و چوار ئەندامی خێزانەکەی بریندار بوون.
هەیسەم سەلمان شەمەری، گوتەبێژی پۆلیسی پارێزگای دیالە رۆژی شەممە 15-06-2024 هەواڵەکەی بۆ تۆڕی میدیایی رووداو پشتڕاستکردەوە و گوتی، "بوتڵی گاز گڕیگرتووە؛ رووداوەکە تیرۆیستی نییە و هیچ کەسێکیش گیانی لەدەستنەداوە."
گوتەبێژی پۆلیسی پارێزگای دیالە دەڵێت، "ئەفسەرەکە لە سوپای عێراق پلەی عەقیدە و لەگەڵ چوار ئەندامی دیکەی خێزانەکەی بریندار بوون، بەڵام دۆخی تەندروستییان جێگرە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ