خوێندکارانی ئەمساڵى زانکۆکانى عێراق بە نەکەوتوو هەژمارکران

 

رۆژی 18ى حوزەیرانى 2023، وەزارەتى خوێندنى باڵا و توێژینەوەى زانستیی عێراق لە راگەیێندراوێکدا ئاماژەى بەوەدا، ساڵى خوێندنى 2022-2023 بە ساڵى نەکەوتن هەژماردەکرێت بۆ ئەو خوێندکارانەى کە بۆ ئەو ساڵە سزاى سڕینەوە (تەرقین قەید) دراون و بڕیارەکە سەرجەم قۆناخەکانى خوێندنى بەیانیان و ئێوارانى حکومى و ئەهلى دەگرێتەوە، بەڵام خوێندکارانى ماستەر و دکتۆرا ناگرێتەوە.

                       

بڕیارەکە ئەو خوێندکارانە ناگرێتەوە کە بڕیاری سڕینەوەیان لەسەر بنەماى گزی و ساختەکارى یان سەرپێچی دیکە بۆ دەرچووە. 

 

بەگوێرەى راگەیێندراوەکە، پێشکێشکردنى داواکارى خوێندکاران بۆ جێبەجێکردنى ئەو بڕیارە لە 18ى حوزەزیران دەستپێدەکات تاوەکو 31ى حوزەیران.