رووداو دیجیتاڵ
لیژنەی پەیوەندییەکانی دەرەوەی ئەنجوومەنی نوێنەرانی ئەمریکا رایگەیاند، خەڵکی کورد ماوەیەکی درێژە لەپێناو داهاتوویەکی باشتر بۆ سووریا شەڕیان کردووە و هاوبەشی بەردەوامی ئەمریکا بوون.
ئەمڕۆ شەممە لیژنەی پەیوەندییەکانی دەرەوەی ئەنجوومەنی نوێنەرانی ئەمریکا راگەیێندراوێکی لەبارەی دۆخی سووریا بڵاوکردەوە و رایگەیاند، "کاتیەتی ئەحمەد شەرع، سەرۆکی سووریا بە شوێنپێی ئەواندا بڕوات و کار بۆ داهاتووی وڵاتەکەی بکات، لەبری ئەوەی شەڕی خەڵکی کورد بکات."
ئەم راگەیێندراوەی لێژنەی پەیوەندییەکانی ئەنجوومەنی نوێنەرانی ئەمریکا لە کاتێکدایە، سوپای عەرەبیی سووریا و گرووپەکانی، لە شەڕێکی سەختدان لەگەڵ هێزەکانی سووریای دیموکرات.
شەڕەکە لە سنووری شارۆچکەکانی مەنسوورە و مەسکەنەیە. سوپای عەرەبیی سووریا کۆنترۆڵکردنی هەردوو شارۆچکەکەی راگەیاند، بەڵام هەسەدە دەڵێت، "لە مەنسوورە ماون و نەگیراوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ