هەڵەیەک روویدا! دووبارە هەوڵبدە
ووداو دیجیتاڵ
عەبدوڵڵا ئۆجەلان، رێبەری زیندانیکراوی پارتی کرێکارانی کوردستان (پەکەکە) لە پەیامێکدا نیگەرانیی خۆی بۆ کۆچی دوایی سری سورەییا ئۆندەر نیشاندا و سەرەخۆشیی ئاراستەی گەلانی تورکیا کرد.
عەبدوڵڵا ئۆجەلان لە پەیامەکەیدا ئۆندەری بە مرۆڤێکی بەهادار و رۆڵەی راستەقینەی گەلان وەسفکرد و دەڵێت: " تەواوی کۆمەڵگەکان و گەلانی ناوچەکەمان هاوڕێبازێکی گەورەیان لەدەستدا".
ئۆجەلان هەروەها باسی دیداری رۆژی راگەیاندنی بانگەوازەکەی هەیە و جەخت لەسەر ئەوە دەکاتەوە کە دوایین دێڕی بانگەوازەکەی سری سورەییا ئۆندەر بە دەستی خۆی نووسیویەتی و دەڵێت: "چالاکی و رەنجدەرییەکی لەبیرنەکراوی بۆ ئاشتی و پێکەوەژیان هەبوو. هونەرێکی وەستایانەی وەهای هەبوو کە تەواوی پێشهاتە نەرێنییەکانی بۆ ئەرێنی دەگۆڕی. ئەو ناسنامە و کولتوورێکی راستەقینەی ئاشتی بوو".
سری سورەییا ئۆندەر، بریکاری سەرۆکی پەرلەمانی تورکیا و پەرلەمانتاری دەم پارتی کە هاوکات ئەندامی شاندی دەم پارتی بۆ دیدارەکانی ئیمراڵی بوو، ئێوارەی رۆژی شەممە 3-5-2025 کۆچی دوایی کرد. نەخۆشخانەکەش لە راگەیێندراوێکدا ئەوەی پشتڕاستکردەوە.
نەخۆشخانەکە لە راگەیێندراوەکەدا دەڵێت، ئۆندەر بەهۆی لاوازبوون و لەکارکەوتنی بەشێک لە ئەندامەکانی جەستەی، بەرگری نەما و گیانی سپارد.
سری سورەییا ئۆندەر شەوی سێشەممە 15ـی نیسانی 2025 تەندروستیی تێکچوو، دواتر دەرکەوت کێشە لە شاخوێنبەری دڵی هەبووە. ئەو کات پزیشکان رایانگەیاند، بەهۆی بەرزبوونەوەی پەستانی خوێن، جەڵتە لێی داوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ