رەجەب تەیب ئەردۆغان و محەممەد شیاع سوودانی. وێنە: AA
رووداو دیجیتاڵ
بە ئامادەبوونی سەرۆککۆماری تورکیا و سەرۆکوەزیرانی عێراق 11 یاداشتنامەی لێکتێگەیشتن لەنێوان تورکیا و عێراق واژۆکران.
یاداشتەکان لە بوارەکانی سەربازی، گۆڕانی کەشوهەوا، رێگری لە بازرگانیکردن بە مادەی هۆشبەر، بەرگری و هاوئاهەنگیی نێوان لایەنەکانی هەردوو وڵاتن.
رەجەب تەیب ئەردۆغان دوای کۆبوونەوەی لەگەڵ محەممەد شیاع سوودانی و واژۆکردنی یاداشتەکان باسی دۆسیەی نەوتی کرد و رایگەیاند، "لە بابەتەکانی وەک دەستپێکردنەوەی هەناردەکردنی نەوت لە رێگەی هێڵی بۆریی نەوتی عێراق- تورکیا، دەمانەوێت بە خێرایی بەرەوپێش بڕۆین."
دەقی یاداشتەکانی نێوان عێراق و تورکیا
- یاداشتنامەی یەکەم: وەزارەتی ناوخۆ: هاوئاهەنگیکردن لە پرسی کۆچی نایاسایی بۆ گەڕاندنەوەی خۆویستانەی هاووڵاتییانی عێراق بۆ زێدی خۆیان
دکتۆر سەباح حوسێن ئەحمەد، بەڕێوەبەری گشتیی فەرمانگەی کۆچی عێراق و ئەحمەد کۆجا بییک، بەڕێوەبەری گشتیی کۆچی تورکیا.
- یاداشتنامەی دووەم؛ وەزارەتی ناوخۆ: هاوئاهەنگیکردن لە مەشق و راهێنانی هێزە ئەمنییەکان
ژەنەرال نائیل ئیلبەی لە فەرماندەی جەندرمە و ژەنەرال زیاد تەها عەباسی نوێنەری وەزارەتی ناوخۆی عێراق.
- یاداشتنامەی سێیەم؛ وەزارەتی ناوخۆ: هاوئاهەنگیکردن لە راهێنانی ئاڵوگۆڕی زانیارییە مەیدانییەکان بۆ هێزە ئەمنییەکان.
ژەنەرال نائیل ئیلبەی لە فەرماندەی جەندرمە و ژەنەرال زیاد تەها عەباسی نوێنەری وەزارەتی ناوخۆی عێراق
- یاداشتنامەی چوارەم؛ وەزارەتی ناوخۆ: بەرەنگاربوونەوەی بازرگانی مادەی هۆشبەر و کارلێکەرە دەروونییەکان
مەحموود دەمیرتاش، بەڕێوەبەری گشتیی ئاسایشی تورکیا و ژەنەرال زیاد تەها عەباسی نوێنەری وەزارەتی ناوخۆی عێراق
- یاداشتنامەی پێنجەم؛ وەزارەتی ناوخۆ: هاوئاهەنگیکردن لە بەڕێوەبردنی کارەسات و رووداوە سرووشتییەکان
عەلی حەمزە پەهلیڤان سەرۆکی دەزگای بەڕێوەبردنی کارەسات و رووداوە سرووشتییەکانی تورکیا (ئافاد) و ژەنەرال زیاد تەها عەباسی نوێنەری وەزارەتی ناوخۆی عێراق
- یاداشتنامەی شەشەم؛ وەزارەتی گەیاندن و ژێرخانی تورکیا : هاوئاهەنگیکردن لە بواری دیجیتاڵکردنی زانست و توێژینەوە زانستییەکان
فاتیح سایان، یاریدەدەری وەزیری گەیاندن و ژێرخانی تورکیا و حەیدەر ئەبو زیا یاریدەدەری وەزیری خوێندنی باڵا و توێژینەوەی زانستی عێراق
- یاداشتنامەی حەوتەم؛ وەزارەتی بەرگریی و کۆمپانیای زەمان بۆ بەڵێندەرایەتی پیشەسازی سەربازی عێراق: هاوئاهەنگیکردن لەبارەی پیشەسازیی بەرگریی کەشتی سەربازیی و تەکنۆلۆژیای دەریاوانی
موسا هەیبەت، یاریدەدەری وەزیری بەرگریی تورکیا و ئەحمەد شەعبان سەرۆکی دەستەی بەڕێوەبردنی گرووپی ئەلزەمان.
- یاداشتنامەی هەشتەم؛ دەستەی خوێندنی باڵای تورکیا و وەزیری خوێندنی باڵا و توێژینەوەی زانستی عێراق: کردنەوەی لقی زانکۆکانی تورکیا لە بەغدا و بەسڕە و پەیڕەوی خوێندن و هاوئاهەنگی زانستی نێوان زانکۆکانی عێراق و تورکیا
ئێرۆل ئۆزڤار، سەرۆکی دەستەی خوێندنی باڵای تورکیا و حەیدەر ئەبو زیا یاریدەدەری وەزیری خوێندنی باڵا و توێژینەوەی زانستی عێراق.
- یاداشتنامەی نۆیەم؛ وەزارەتی پیشەسازیی و تەکنۆلۆژیای تورکیا و وەزارەتی پلاندانانی عێراق: هاوئاهەنگیکردن لەبارەی کەشناسی
محەممەد فاتیح کاجر، وەزارەتی پیشەسازیی و تەکنۆلۆژیای تورکیا و فوئاد حوسێن، وەزیری دەرەوەی عێراق لە بری وەزیری پلاندانان.
- یاداشتنامەی 10؛ وەزارەتی بەرگریی تورکیا و راوێژکاری سەرۆکوەزیران بۆ کاروباری سەربازی عێراق: هاوئاهەنگی لە بواری پیشەسازیی بەرگریی و تەکنۆلۆژیای سەربازی.
یاشار گولەر، وەزیری بەرگریی تورکیا و مستەفا عادل حەسەن، راوێژکاری سەرۆکوەزیران بۆ کاروباری سەربازی.
- یاداشتنامەی 11؛ وەزارەتی دادی تورکیا و وەزارەتی دادی عێراق : هاوئاهەنگیکردن لە بواری یاسا و دادوەری، یڵماز تونچ، وەزیری دادی تورکیا و فوئاد حوسێن، وەزیری دەرەوەی عێراق لە بری وەزارەتی داد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ