هەڵەیەک روویدا! دووبارە هەوڵبدە
رووداو دیجیتاڵ
خواردن و خواردنەوە سەیر و سەمەرەکانی نوسرەت بەردەوامن و لە دوایین ڤیدیۆییدا بە خواردنەوەی کاپۆچینۆیەکی بە زێڕ داپۆشراو، هەرای ناوەتەوە.
نوسرەت گۆکچە، ئەو شێفە بەناوبانگەی باکووری کوردستان و تورکیایە کە بەهۆی خواردنەکانیەوە ناوبانگێکی جیهانی پەیداکردووە و گەشتیاران لە وڵاتە جیاوازەکانەوە سەردانی دەکەن.
لە ڤیدیۆیەکی کورتدا کە لە ئینستاگرامی خۆی بڵاوی کردووەتەوە و زیاتر لە 7 ملیۆن بینەری هەبووە، شێف نوسرەت کاپۆچینۆیەک دەخواتەوەو لەسەر پۆستەکەی نووسیویەتی" کاپۆچینۆ بە زێڕ.. بەمزوانە قاوەخانەیەک دەکەمەوە".
نوسرەت گۆکچە لە گوندی بەردکی شارۆچکەی ئۆرتلیانێی سەر بە پارێزگای ئەرزڕۆمی باکووری کوردستان لەدایکبووە. ئێستا بووەتە شێفێکی جیهانیی و بە "خۆشەویستی خوێ" ناسراوە.
ئەو بە جووڵەکانی دەستی لەکاتی ئامادەکردنی خواردن و پرژاندنی خوێ بەشێوە تایبەتەکەی خۆی بەسەر خواردنەکاندا ناسراوە. هەمیشە رێگەی جیاواز و سەرنجڕاکێش بۆ پیشاندانی خواردنەکانی دەگرێتەبەر، دوایینیان بڵاوکردنەوەی ئەوم کاپۆچینۆیەیە کە فنجانەکەی بە زێڕ داپۆشراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ