رووداو دیجیتاڵ
لە شارۆچکەی ئانتاکیا لە ناوەندی پارێزگای هاتایی تورکیا، بەهۆی لافاوەوە خانوویەک رووخا و کەسێک گیانی لەدەستدا.
شەوی چوارشەممە، 20ـی ئایاری 2026، بەهۆی بارانی بەخوڕەوە لە شارۆچکەی ئانتاکیا لافاو دروستبوو و لە گەڕەکی عومەر ئالپاگۆت خانوویەک رووخا. بەهۆیەوە چوار کەسی نێو ماڵەکە کەوتنە ژێر داروپەردووی خانووەکەوە.
دوای ئاگادارکردنەوە، تیمەکانی تەندروستی، ئافاد، بەرگریی شارستانی و پۆلیس رەوانەی شوێنی رووداوەکە کران.
تیمەکانی ئافاد و بەرگریی شارستانی سێ کەسیان لەژێر داروپەردووەکە رزگارکرد، بەڵام کەسێکیان گیانی لەدەستدا.
لەلایەکی دیکەوە، رێگەی رەیحانلی-ئانتاکیا، چوارڕیانی نارلیجا و رێگەی ئانتاکیا-سامانداغ بە رووی هاتووچۆدا داخران.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ