بوومەلەرزەیەک باڵکئەسیری تورکیای هەژاند

 

بوومەلەرزەکە لە پارێزگاکانی ئیستەنبووڵ، مانیسا، ئیزمیر و ئایدنیش هەستی پێکرا.

 

بەگوێرەی سەرۆکایەتیی بەڕێوەبردنی کارەسات و باری لەناکاو لە تورکیا (ئافاد) بوومەلەرزەکە کاژێر 10 و 48 خولەکی شەوی 27-10-2025 روویداوە.

 

عەلی یەرلیکایا، وەزیری نێوخۆی تورکیا لە تۆڕی کۆمەڵایەتیی ئێکس بڵاویکردەوە: "تیمەکانی ئافاد گەیشتوونەتە شوێنی رووداوەکە و دەستبەکار بوون".

 

هەروەها کەمال مەمیشئۆغڵو، وەزیری تەندروستیی تورکیا لە ئیکسێکدا رایگەیاند، تیمەکانیان لەو شوێنانەی بوومەلەرزە هەستی پێکراوە، لە ئامادەباشیدان.

 

وەزیری تەندروستیی تورکیا  جەختیکردووەتەوە، تاوەکو ئێستا هیچ پێشهاتێکی نەرینی جێی باس نییە.

 

رۆژی 10ی ئابی 2025ــش شارۆچکەی سندرگە بە هەمان گوڕی 6.1 هەژابوو. ئەوکاتە کەسێک گیانی لەدەستدا و 52ی دیکەش بریندار بوون.