رووداو دیجیتاڵ
لە پارێزگای کرککالەی تورکیا سێ منداڵ، کە هەڵگری وڵاتینامەی عێراقین، لە ئاوی رووباری کزڵئرماکدا ونبوون.
ئەو سێ منداڵە، کە پێدەچێت خنکابن، ئەمڕۆ پێنجشەممە 29ی حوزەیرانی 2023 لە شارۆچکەی باهشیلی سەر بە پارێزگای کرککالە لە کاتێکدا لە کەنار رووباری کزڵئرماک بە تۆپ یارییان دەکرد، تۆپەکەیان کەوتووەتە نێو رووبارەکە و هەر سێ منداڵەکە بۆ دەرهێنانی تۆپەکەیان چوونەتە نێو رووبارەکەوە و دواتر ونبوونە.
دوای ئاگادارکردنەوەی لایەنە پەیوەندیدارەکان، تیمەکانی پۆلیس، تەندروستی و تیمەکانی گەڕان و فریاگوزاریی ژێرئاوی شارەوانیی کرککالە رەوانەی شوێنی رووداوەکە کراون.
گەڕانی تیمەکان بۆ دەرهێنانی منداڵەکان بەردەوامە و زانراوە کە سێ منداڵەکە تەمەنیان لە نێوان 14 - 15 ساڵە.
