ئاوازی جیهان -باکو پایتەختی ئازەربایجان

موزیکی ئازەری یەکێکە لەو موزیکە رۆژهەڵاتیانەی کە میلۆدیەکانی ئاوێتەن بە سۆزو خرۆشانێکی بێ سنور، بەشێوەیەک کلتوری ئازەربایجان خاوەنی چەندین شێوەی جیاوازی مەقام و بەستەیە کە بەهۆی کاریگەریە روحیەکانیەوە توانیویەتی سنوری ئەو وڵاتە ببرێ و ببێتە بەشێک لە کلتوری هاوبەشی موزیکی چەندین نەتەوەی جیاواز..

لەم پرۆگرامەدا هەژار زەهاوی کە خۆی موزیسیان و موزیکناسێکی پسپۆرە بە نێو کوچە جیاوازەکانی موزیک و مەقامی ئازاریدا گوزەر دەکات و لەو گەشتەشیدا بینەرو بیسەرەکانی ئاشنا دەکات بە نهێنی و جوانی و ستاتیکای موزیکی ئازەری.

ئاوازی جیهان پرۆگرامێکی تۆڕی میدیایی رووداوە و لە وەرزی نوێدا مانگانە لە رۆژی هەینیدا پێشکەش دەکرێ و هەرجارەش ئاوازی وڵات و نەتەوەیەکی جیاواز بە بینەرو بیسەرەکانی ئاشنا دەکات