زەویە داگیرکراوەکانی کەرکووک

بۆ دووەم ھەفتە لەدوای یەك ھێمن عەبدوڵڵا لە کەرکووکەوە بەرنامەی بەھێمنی پێشکەشکرد. مژاری ئەمجارەی بەھێمنی بریتیبوو لە گەنگەشەکردنی پرسی ئەو زەوییە کشتووکاڵییانەی لە سەردەمی رژێمە یەک لە دوای یەکەكانی عێراق لەچوارچێوەی شاڵاوی تەعریب، لە کورد و تورکمان زەوتکراون و بە عەرەبی کەرکووک و عەرەبی ھارودە دراون.

لەلایەن خۆشیانەوە نوێنەرانی پێکھاتەی عەرەب ئەوە رەتدەکەنەوە و دەڵێن "بەعس بەبێ جیاوازی ستەمی لە ھەموو پێکھاتەکان کردووە، ئێمە داوای گەڕاندنەوەی ماف بۆ خاوەنە راستەقینەکان دەکەین".

یەکێک لە شێخ عەرەبەکان ئاماژەی بە قسەیەکی سەرۆکی ھۆزی جبوور كرد کە بە عەسییەکانی راگەیاندووە، ئەوان زەوی برا کوردەکانیان ناوێت و تەنانەت دروست نییە نوێژ لە سەر ئەو زەوییانەش بکرێت.