سیستەمی ماستەر کارت

له‌ ئه‌ڵقه‌ی ئه‌مجاره‌ی به‌رنامه‌ی بازاڕدا، دوای دروستبوونی قەیرانی دارایی لە عێراق و باشووری کوردستان  و بە تایبەتی دوای دواکەتنی نرخی بەترۆل لە بازاڕە جیهانییەکان و هاتنی داعش و تێک چوونی رەوشی ئەمنیی لە ناوچەکە، تا ئێستا گەشەپێدانی بوارەکانی ئابووری لە کوردستان هەر بەردەوامە و بانکەکان یەکێکن لەو سێکتەرەرانەی کە تا ئێستاش گرنگی پێدەدرێت و خزمەتگوزاری بەردەوام بۆ خەڵک دابیندەکەن، نمونەی ئەم خزمەتگوزاریانەش دانانی سیستمی ماستەر کارت لە کوردستان، کە بابه‌تی سه‌ره‌كی به‌رنامه‌كه‌یە.

به‌ختیار عه‌بدولعه‌زیز پێشكه‌شكاری به‌رنامه‌ باس له‌ گرنگی سیسیتمی بانکیی دەکات لە کوردستان بە تایبەتی کاریگەری ئەم سیستمە لەسەر قەیرانی دارایی لە عێراق و باشووری کوردستان ده‌كات كه‌ به‌هۆی کێشەکانی بازاڕ و قەیرانی دارایی دروستبووه‌ و چۆنێتی دروستکردنی رۆشنبیرێتی بانکی لەلایی خەڵک، بۆ ئەوەی زیاتر هەوڵ بدرێت بەکاربەرێکی زۆرتر لە سێکتەری بانکی بەشداربکرێت.

له‌لایه‌كی دیكه‌ش له‌ روانگەی ئابووریناسییه‌وه‌ باس له‌  دروستکردنی سیستمی ماستەرکارت دەکات و چونییەتی بەکارهێنانی و سوودەکانی لە هەمان کاتدا، لایه‌نی په‌یوه‌ندیدار قسه‌ی تێدا ده‌كه‌ن.

به‌رنامه‌ی بازاڕ به‌رنامه‌ی تۆڕی میدیایی رووداو، پرس و بابه‌ته‌ ئابوورییه‌كان باس ده‌كات و بازاڕی كوردستان به‌سه‌ر ده‌كاته‌وه‌.

بازاڕ به‌رنامه‌یه‌كی 24 خوله‌كی هه‌فتانه‌ی تەلەفزیۆنی رووداوه‌ و هه‌موو پێنجشەممەیەک له‌ شاشه‌ی رووداو په‌خش ده‌كرێت ورۆژی دواتر لە کاژێر 10:30 به‌ كاتی هەولێر، دووباره‌ ده‌بێته‌وه‌.