دەنگی من - راهێنەری سەگ

 

کورد ئێستا خاوەن راهێنەری نێودەوڵەتییە بۆ راهێنانی سەگ و کردنیان بە پاسەوان و ناسینەوەی ئەو شت و کەلوپەلانەی یاساخن یان پێ سپاردنی کارێک کە لە مرۆڤ باشتر ئەنجامی بدات.

 

هەڤاڵ عەلی، راهێنەری نێودەوڵەتی ئەو بوارەیە، لە سلێمانی سەگ پەروەردە دەکات و دەیان جۆر سەگی هەیە و نرخیان لە هەزارو 500 دۆلارەوە دەستپێدەکات تاوەکو 60 هەزار دۆلار.

 

ئەوان تۆڕێکیان لە هەرێمی کوردستان هەیەو لە هەر خانەیەکی پەروەردەکردنی سەگ نزیکەی 20 کەس دەبن و بە قسەی ئەوان بێت ئێستا زیاتر لە هەزار کەس بژێوی ژیانیان لە سەر پەروەردەکردنی سەگەو رۆژ دوای رۆژیش ئەم تۆڕە فراوانتر دەبێت و داواکاری خەڵکیش لە سەر سەگەکانی ئەو خانانە زیاتر دەبێت.

 

کاسبکارانی ئەو کەرتە چی لە بەربژێران دەخوازن و دەیانەوێت کارەکەیان بچێتە چ قۆناخێک و چۆن حکومەت بایەخیان پێبدات کە بۆ کڕینی جۆرەکانی سەگ سەرمایە نە چێتە دەرەوە.

 

ئایا کارنامەی هیچ بەربژێرێک پڕژاوەتە سەر کارو پیشەکانیان و ئەوان چ داوایەکیان لە بەربژێر و لایەنە سیاسییەکان دەکەن؟

 

هەموو جۆرە کارو پیشەیەک لە وڵاتان بە یاسا رێکخراوە، هیچ یاساو رێنماێک لە هەرێمی کوردستان بۆ پەروەردەکردن و مامەڵەکردن بە ئاژەڵی دڕندە هەیە؟

 

رووداو هەڤاڵ عەلی راهێنەری نێودەوڵەتی سەگی کردووەتە میوانی بەرنامەی (دەنگی من) ئەو باسی وردەکاری و داهات و تێچووی خانەی پەروەردەکردنی سەگ دەکات.