چارەسەرکردنی سکچوون و ئارامکردنەوەی گەدە

لەم بەرنامەیەدا هەوراز حەمید، شارەزای دەرمانی سرووشتی، رێگەکانی ئامادەکردنی چایەک بۆ چارەسەرکردنی سکچوون و ئارامکردنەوەی گەدە پێشاندەدات.

پێکهاتەکان: گیای مەریمە (سایە/ساڵڤیا)، ئاو، هەنگوین (بەپێی خواستی خۆت)

ئامادەکردن
1.  سەرەتا ئاوەکە بکوڵێنن.
2.  گیای مەریمەی تێ بکەن و وازی لێ بهێنن نزیکەی پێنج خولەک بکوڵێت.

بەکارهێنان
1. بۆ سکچوون یان ئارامکردنەوەی گەدە دەتوانن چایەکە بخۆنەوە.
2. بۆ هەوکردنی دەم، چایەکە سارد بکەنەوە و غەرغەرەی پێ بکەن.

تێبینی
*   ئەو ئافرەتانەی کە شیر دەدەن بە منداڵەکانیان، نابێت ئەم چایە بەکاربهێنن، چونکە زیانی هەیە.
*   ئەگەر حەزتان لێ بوو، دەتوانن کەمێک هەنگوینی تێ بکەن.
*   بۆ ئەوەی چایەکە باشتر کار بکات، بەیانیان پێش نانخواردن بیخۆنەوە.