ژن و پیشە – باخان تۆفیق – خاوەنی قاوەخانە

من باخان تۆفیقم. خەڵکی سلێمانیم و لە هەولێر دادەنیشم. نزیکەی سێ ساڵ دەبێت کە ئەم قاوەخانە بچووکەم داناوە. 
لەگەڵ خوشکەکەمدا کە خوێندنمان تەواو کرد، بیرمان کردەوە کە کارێکی خۆمانمان هەبێت. بیرۆکەکە هی خوشکەکەم بوو. سوپاس بۆ خوا سەرکەوتوو بوو. 
بەیانیان کارمەندێکم هەیە. سوپاس بۆ خوا لەسەر پێی خۆم وەستاوم و هیچ بارگرانییەکم بۆ ماڵەوە و بۆ حکومەتیش دروست نەکردووە. 
زۆر گرنگە کە خانمان کار بکەن. خێزانەکەمان زۆر زۆر پاڵپشتمانن. بە خانمان دەڵێم هەرچییەکتان لە مێشکدایە مەترسن و دەستی پێ بکەن، بەڵام گرنگترین شت ئەوەیە کە خێزانەکەت پاڵپشتت بن.
لە قاوەخانەکەدا زۆر گرنگیم بەوە داوە کە ئێواران کەشەکەی تاریک بێت. 
من کە هاتمە ناو ئەم کارەوە بڕوانامەم نەبوو، بەڵام چووم خولم بینی و ئێستا بڕوانامەی ئیتاڵیاییم هەیە.

 

ئەم بڕگەیە هەموو رۆژێک، لە سێ کاتی جیاوازدا لە شاشەی رووداو پەخشدەکرێت. 07:50 خولەک 15:50 و 23:50