عەبدولڕەحمان سدیق: سەوزایی تەنیا ئەوە نییە رووبەرێکی چیمەنی سەوزت هەبێت
عەبدولڕەحمان سدیق: سەوزایی تەنیا ئەوە نییە رووبەرێکی چیمەنی سەوزت هەبێت
سەرۆکی دەستەی پاراستن و چاککردنی ژینگە لە هەرێمی کوردستان رایدەگەیێنێت، هۆکارەکانی گواستنەوە یەکێک لە سێ هۆکارەکەی پیسبوونی هەوای هەر شارێکە، ئاماژە بەوە دەدات لە هەولێر هۆکارەکانی گواستنەوە بەراورد بە ساڵی 1992 دە هێندە زیادی کردووە.
عەبدولڕەحمان سدیق، سەرۆکی دەستەی پاراستن و چاککردنی ژینگە لە هەرێمی کوردستان، لە میانی بەشداریکردنی لە بەرنامەی رووداوی ئەمڕۆی رادیۆ و تەلەڤزیۆنی رووداو، لەبارەی پیسبوونی هەواو ئەو گۆڕانکارییانەی بەسەر ژینگەی کوردستان و بە دیاریکراویش بەسەر ژینگەی هەولێردا هاتووە، رایگەیاند: "لە ساڵی 1992 کاتێک کۆمەڵەی کوردستانێکی سەوزمان دامەزراند، یەکەم توێژینەوە کە لە 6-7-1992 کردم لەسەر پیسبوونی هەوای هەولێر لەگەڵ چارەسەرەکان بوو".
بە گوتەی عەبدولڕەحمان سدیق، یەکێک لە سێ هۆکارەکەی پیسبوونی هەوای هەر شارێک، هۆکارەکانی گواستنەوەیە، "کۆی هەموو هۆکارەکانی گواستنەوە لە شاری هەولێر بەپێی ئامارەکانی ساڵی 1992ی بەڕێوەبەرایەتی هاتووچۆی هەولێر 64 هەزار ئۆتۆمبێل بوو، ژمارە تایبەت ئەوکات 21 هەزاربوو، بەڵام ئێستا سەرووی 640 هەزارە، واتە 10 هێندەی ئەوکات، هاوکات ژمارەی دانیشتوان و کارگەکانیش زیادیانکردووە، بێگومان ئێستا پیسبوونی هەوا زیاترە لە جاران".
سەرۆکی دەستەی پاراستن و چاککردنی ژینگە لە هەرێمی کوردستان گوتیشی، "دەستەی ژینگە، دەستەیەکی راوێژکاری چاودێرییە، هیچ کارێکی جێبەجێکاری لەلای ژینگە نییە، دەستەی ژینگە، ئەنجوومەنێکی هەیە، ئەو ئەنجوومەنە نزیکەی 15 وەزارەت لە خۆی دەگرێت و بە بەڕێوەبەرێکی گشتی تێیدا بەشدار دەبن، لە کۆبوونەوەکاندا بە هەر وەزارەتێک دەڵێین بەپێی یاسا ئەرکەکانی ئێوە ئەمانە بوونە، بۆچی جێبەجێ نەکراوە؟ یان دەستتان خۆشبێت جێبەجێکرا. واتە دەستەی ژینگە، دەستەیەکی چاودێری راوێژکارییە، کاردەکات بۆ خەمڵاندن و هەڵسەنگاندنی کاریگەرە ژینگەییەکان لە رێگەی هاوئاهەنگی لەگەڵ وەزارەت و دەستە جێبەجێکارییەکان".
سەبارەت بە رێژەی سەوزایی لە هەرێمی کوردستان، عەبدولڕەحمان سدیق دەڵێ: "سەوزایی هەر ئەوەندە نییە رووبەرێکی چیمەنی سەوزاییت هەبێت، دەبێت درەختی بڵندت هەبێت و ئۆکسجینت بداتێ و گازی دووانە ئۆکسیدی کاربۆنت لەکۆڵ بکاتەوە".
سەرۆکی دەستەی پاراستن و چاککردنی ژینگە لە هەرێمی کوردستان رایدەگەیێنێت، هۆکارەکانی گواستنەوە یەکێک لە سێ هۆکارەکەی پیسبوونی هەوای هەر شارێکە، ئاماژە بەوە دەدات لە هەولێر هۆکارەکانی گواستنەوە بەراورد بە ساڵی 1992 دە هێندە زیادی کردووە.
عەبدولڕەحمان سدیق، سەرۆکی دەستەی پاراستن و چاککردنی ژینگە لە هەرێمی کوردستان، لە میانی بەشداریکردنی لە بەرنامەی رووداوی ئەمڕۆی رادیۆ و تەلەڤزیۆنی رووداو، لەبارەی پیسبوونی هەواو ئەو گۆڕانکارییانەی بەسەر ژینگەی کوردستان و بە دیاریکراویش بەسەر ژینگەی هەولێردا هاتووە، رایگەیاند: "لە ساڵی 1992 کاتێک کۆمەڵەی کوردستانێکی سەوزمان دامەزراند، یەکەم توێژینەوە کە لە 6-7-1992 کردم لەسەر پیسبوونی هەوای هەولێر لەگەڵ چارەسەرەکان بوو".
بە گوتەی عەبدولڕەحمان سدیق، یەکێک لە سێ هۆکارەکەی پیسبوونی هەوای هەر شارێک، هۆکارەکانی گواستنەوەیە، "کۆی هەموو هۆکارەکانی گواستنەوە لە شاری هەولێر بەپێی ئامارەکانی ساڵی 1992ی بەڕێوەبەرایەتی هاتووچۆی هەولێر 64 هەزار ئۆتۆمبێل بوو، ژمارە تایبەت ئەوکات 21 هەزاربوو، بەڵام ئێستا سەرووی 640 هەزارە، واتە 10 هێندەی ئەوکات، هاوکات ژمارەی دانیشتوان و کارگەکانیش زیادیانکردووە، بێگومان ئێستا پیسبوونی هەوا زیاترە لە جاران".
سەرۆکی دەستەی پاراستن و چاککردنی ژینگە لە هەرێمی کوردستان گوتیشی، "دەستەی ژینگە، دەستەیەکی راوێژکاری چاودێرییە، هیچ کارێکی جێبەجێکاری لەلای ژینگە نییە، دەستەی ژینگە، ئەنجوومەنێکی هەیە، ئەو ئەنجوومەنە نزیکەی 15 وەزارەت لە خۆی دەگرێت و بە بەڕێوەبەرێکی گشتی تێیدا بەشدار دەبن، لە کۆبوونەوەکاندا بە هەر وەزارەتێک دەڵێین بەپێی یاسا ئەرکەکانی ئێوە ئەمانە بوونە، بۆچی جێبەجێ نەکراوە؟ یان دەستتان خۆشبێت جێبەجێکرا. واتە دەستەی ژینگە، دەستەیەکی چاودێری راوێژکارییە، کاردەکات بۆ خەمڵاندن و هەڵسەنگاندنی کاریگەرە ژینگەییەکان لە رێگەی هاوئاهەنگی لەگەڵ وەزارەت و دەستە جێبەجێکارییەکان".
سەبارەت بە رێژەی سەوزایی لە هەرێمی کوردستان، عەبدولڕەحمان سدیق دەڵێ: "سەوزایی هەر ئەوەندە نییە رووبەرێکی چیمەنی سەوزاییت هەبێت، دەبێت درەختی بڵندت هەبێت و ئۆکسجینت بداتێ و گازی دووانە ئۆکسیدی کاربۆنت لەکۆڵ بکاتەوە".
بهشی بكه لە
