بریانی و مریشکی برژاو

لە بەرنامەی ئەمڕۆی شیڤ و شیرینی، ئەڤین دەروێش بریانی بە تامێکی تایبەت، لەگەڵ مریشکی برژاو و شەربەتی شووتی دروستدەکات.

کەرەستەکان: برنج، مریشک، کەرە، زەیت، شیری گوێزی هیندی، بەهارات (زیرە، بیبەری رەش، دارچین، زەردەچەوە)، بیبەری سوور، تەماتە، کەرەوز، سیر، خوێ، شوتی، لیمۆ، هەنگوین، بادام

ئامادەکردن
1.  ئامادەکردنی برنج:
    *   برنجەکە 20 خولەک پێشتر لە ئاوی گەرمدا بخووسێنن.
    *   کەرە و زەیتەکە لە تاوەیەکدا گەرم بکەن.
    *   بەهاراتەکانی تێبکەن.
    *   شیری گوێزی هیندی تێبکەن.
    *   کەمێک زەیتی تێبکەن.
    *   برنجەکەی تێبکەن.
    *   وەکو ئامادەکردنی برنجی ئاسایی، ئاوی هەڵمژی، ئاگرەکەی کەمبکەن و دایبنێن تاوەکو دەم دەکێشێت.

2.  ئامادەکردنی مریشک:
    *   مریشکەکە بکەن بە دوو کەرتەوە.
    *   بیبەری سوور، تەماتە و کەرەوزەکە تێکەڵبکەن.
    *   داودەرمان و بەهاراتەکانی تێبکەن.
    *   مریشکەکە بە سۆس مەساج بدەن.
    *   فڕنەکە گەرم بکەن.
    *   مریشکەکە لەناو فڕنەکە دابنێن.
    *   دوای نزیکەی پەنجا خولەک تاوەکو کاژێرێک، لە ژێرەوەی فڕنەکە دایبنێن تاوەکو بە تەواوەتی دەبرژێت.

3.  ئامادەکردنی شەربەتی شووتی:
    *   شوتییەکە لەگەڵ ناوکەکەی تێکەڵ بکەن.
    *   یەک لەت یان یەک لیمۆی تێبکەن.
    *   ئەگەر بەردەست بوو، تۆزێک شووتی وردکراو کە لە بەفرگرەوە وەکو سەهۆڵ لێ هاتبێت تێبکەن.
    *   ئەگەر پێویستی کرد، تۆزێک هەنگوینی تێبکەن.

4.  چۆنیەتی پێشکێش کردن:
    *   بریانییەکە لەگەڵ مریشکە برژاوەکە پێشکێشبکەن.
    *   شەربەتی شووتی و تۆزێک میوەی لەگەڵ دابنێن.
    *   کەرەوز و سۆسی تایبەت بۆ رازاندنەوە بەکاربهێنن.