ماوەیەكە ئەوە دەبینم كە ئیمە وا مامەڵە لەگەڵ حكومەت دەكەین هەر وەك مانگای شیردەر بێت، هەمووی هەوڵدەدات بیدۆشێت بێ ئەوەی بیر لە كاردانەوەی دۆشێنەكە بكات بەبێ پێدانی خواردنێكی باش و بەردەوام كاركردن بۆ بەرهەمهینانی شیر.
سەرەتا- تا بە خراب تێگەیشتنیك نەبێت- دەمەوێ دان بەوە دابنێم كە حكومەتە یەكە لەدوا یەكەكان بە درێژایی هێڵ بڕ بوون لە گەندڵی ئیداری و دارایی . ئەوە بەشێوەیەكی گشتی، وادانرابوو كە وەڵامدەرەوەی خواستی باری نائاسایی بێت و گونجاوبێت لەگەڵ رووداوەكان ، نەك خاوەن بۆچوونێكی ستراتیژی و سیاسەتێكی چەسپاو بێت لەهەموو بوارەكاندا و، بیرۆكراتی ئیداری هیلاكە بەهۆی كاری زۆر و جەنجاڵی مێشكەوە، بوونی زۆر پێگەی سەرۆكایەتی و ناسەرۆكایەتی لە شوێنەكاندا كە بێ توانان و بێ ئەوە پرۆسەیەكی پشكنین و هەڵسەنگاندنیان بۆ بكرێت و رووبەڕووی سزایەك ببنەوە لەسەر بنەمای روون . میزاجی جۆراجۆر لە بەڕێوبردن پەیڕەو دەكرێت. زۆر شتی دیكەش . جێگەی بەزەییە لای من كە بارودۆخەكە ناهەموارە، پلانێك هەیە لەلایەن دووژمنان و زۆر لەم پاساوانەی كە چاكسازی دوادەخەن. مەبەستم لە حكومەت لەلامان، سستمی حكومییە دوور لە بە كەسیی كردن.
لەگەڵ ئەو هەموەدا لەودیوی هاوكێشەكە دەڵێم كۆمەڵگەیەك هەیە كەسەكانی حكومەت وەك مانگای شیردەر دەبینن ، هەموو كێبركێیانە بۆ بەدەستهێنانی شیری زیاتر، ئەگەر لە توانایشی نەبێت ، هەوڵدەدات هەڵیگرێت و ، لەملاو لەولای كۆبكاتەوە بۆ بەدەستهێنانی دەستكەوتی ئاسان لەهەر دەرگایەكەوە بێت، راستبێت یان نا ، بە ئستیحقاق بێت یان بە واستە. گرنگ نییە، گرنك ئەوەیە پارچە كێكێكم دەستكەوێ و شتی دیكە، یان شیری زیاتر و شتی دیكە. تاوەكو رادەیەك وایلێهاتووە ئەوەی دەیەوێت بژیت بێ فرت و فیڵ، بۆ ئەوەی شیری دەستكەوێت بە (گێل!) وەسفدەكرێت و نازانێت چۆن بژی! كە دەڵێم كۆمەڵگە فەرمانبەرە حكومییەكان بەشێكن لە كۆمەڵگە .
هاووڵاتیان بۆچوونەكانیان لەسەر ئەوە بنیاد دەنێن كە حكومەت دۆڵەمەندە، لەبەرئەوەی كە دەوڵەمەندە دەبێ پارە و دیاری دابەشبكات بەسەر هەموواندا بەشێوەیەكی بێ ئاگا و نواندنی گێلی، ئەگەر هاووڵاتیەكە فەرمانبەر بوو و توانای كاركردنیشی هەبوو. هاووڵاتی زۆر هەیە مووچەی فەرمانبەری هەیە و دەوام ناكات! زۆر هەیە زیاد لە یەك مووچەی حكومی هەیە لە یەك كاتدا! بە دیان سەرچاوە هەیە لەملا و لەولاوە بۆ بەدەستهێنانی یارمەتی و دیاری و پاداشت و وئیمتیاز و واستەو تاوەكو رادەیەك كە مرۆڤ سەرسام دەكات لە (داهێنان!؟) لە بەفیڕۆدانی ئەم سامانانە، كێشەكە لەوەدایە كە بەرهەمهێنان لەدواوە دێت، ئەوە جگە لە كەرتی تایبەت كە لە خاوەن موەلیدەییەكەوە دەستیپێكرد، تاوەكو تێدەپەڕێت بەشوفێری تاكسی ، فیتەر ، زێڕینگەر ، شەربەتفرۆش ، میوەفرۆش و كاڵای خراب و بەسەرچوو لە ماركێتەكاندا و ئەو بازاڕانەی كە بە میللەتی خۆمانی دەفرۆشنەوە . ئایا ئەمە گەندەڵی نییە؟! بۆچوونی سیاسیمان پێویستی بە را و هەڵوێستی مەرجەعەكانە . هەڵسوكەوتمان بەوشێوەیە نزیك و كاردانەوە نییە كە بانگەشە بۆ بەهاكان دەكەین.
هەمووان راهاتوون لەسەر تەمبەڵی و بەدەستهێنانی خێرا. هەمووان خۆیان دەدزنەوە لە كاری باش و رێك و هیلاكبوون بۆ بەدەستهێنانی پاروێك نان و هەوڵدان و ماندووبوون بۆ ئەنجامدانی كار. دوا نموونە بۆ ئەمە ئەوەیە كە بەدستهێنانی بڕوانامە لە زانكۆ زۆر ئاسانە . تەنیا ئەوە دەكەی كە پارە دەدی بە زانكۆیەكی ئەهلی لەناوخۆ یان دەرەوە و ئەو بڕوانامەی كە دەتەوێ بەدەستی دەهێنیت؟! دەتوانی بێ هیچ پابەندبوونیك بەدەستیبێنیت! لە ژێر سایەی سیستمێكدا كە ئەنجامی پۆلی 12 دەكاتە بنەمایەك بۆ توانا ئەكادیمیەكەت . تاوەكو ئێرە قەیناكات - ودەتوانین بەڕێیبكەین- مەبەستم تەنیا ببیتە خاوەن بڕوانامە، بەڵام ئەوەی كە جێی سەرسووڕمانە ئەم كەسە داوای دامەزراندن بكات لە حكومەت! و جێی سەرسووڕمانە كە خاوەن داهاتە هەمەجۆرەكان رەخنە لە بەرزبوونەوەی كاتیی نرخی بەنزین دەگرن بە پاساوی ئەوەی حكومەت دۆڵەمەندە- كە هەمووی ئاگاداری ئەو قەیرانەن كە رووبەڕووی هەریمی كوردستان بووەتەوە! من باسی (چۆنیەتی نرخەكە) ناكەم كە قسە هەڵدەگرێت ، بەڵكو باسی (شێوازی بیركردنەوەكە) دەكەم. لێرەدا دووبارە دووپاتیدەكەمەوە كە من ناڵێم حكومەت گەندەڵی تێدا نییە، یان پرۆگرامێكی زۆر باشی هەیە، هەرگیز. من رەخنە لەم و لەویش دەگرم . هەموومان بەشێكین لە كێشەكە، دەبێ هەمووشمان بەشێك بین لە چارەسەر. هەرگیز نابێ وا مامەڵە بكەین لەگەڵ حكومەت كە مانگایەكی شیردەرە و لێیبخۆینەوە تاوەكو دەمرێت، هەموو تواناكانمان تەرخانبكەین بۆ بەدەستهێنانی مووچە و دەستكەوتی نابەجێ تاوەكو دەگاتە مایە پووچبوون! بە جۆرێك وابزانین تەواو نابێت.
زۆرجار وا هەستدەكەم كە دزی لە خۆمان و دەورووبەرمان دەكەین وەك ئەوەبێت بیر لە نەتەوەی داهاتوو نەكەینەوە. وەك ئەوەبێت تەنیا ئەم دە ساڵە دەژین، هەموو سەروەت و سامانەكانمان بە هەدەر بدەین بە هەموو شێوەیەك و رێگەیەك و دواجار لەژێر هەژاری و نەبوونی و سووكایەتیدا دەمرین؟!
ئەم گفتوگۆیە زۆر كێشەدارە، لەگەڵ ئەوەشدا كە زۆر باوە و لەنێو هەموو دانیشتن و بازاڕەكان و كۆڕەكاندا باسدەكرێت بەدەمی و ، زۆربەیان دان بەوە دادەنێن كە ئەمە راستییە، بەڵام هەمووشیان سەرم دەكەن لەبەردەم دەزگاكانی راگەیاندن باسیبكەن ، چونكە نایانەوێت رەخنە لە میللەت بگرن و دەنگەكانی هەڵبژاردن لەدەستبدەن! و پرۆسەی چاكسازی دەوستێت و دوادەخرێت لەبەرئەوەی پارتەكان دەنگەكان دەدۆڕێنن . لەڕاستیدا پارتەكان هۆكاری سەرەكین بۆ ئەم كێشەیە لە بنەڕەدا.
دەبێ لە لایەكەوە ئەو گەماروویە بشكێنیت وهەوڵی چاكسازی دۆخەكە بدات و راشكاوانە بێت لەگەڵ خۆی و هەموواندا . بیرۆكەی (تواندنەوەی) حكومەت ستراتیژیەتێكی سرووشتی نییە.
هاووڵاتی هەردەم لەسەر هەق نییە! حكومەتیش هەردەم لەسەر هەق نییە. پرۆسەكە پەیوەندییەكی (جەدەلییە) لەنێو سیستمی دیموكراتیدا. میللەت نوێنەری خۆی هەڵدەبژێریت لەسەر بنەمای كارنامە ، نوێنەرەكان حكومەت پێكدەهێنن، حكومەتیش كارنامەی خۆی كە لەسەر بنەمای دڵڕاگرتنی میللەتە، جێبەجێی دەكات.
دەبێ روانگەو بەرچاوڕوونییەك هەبێت بۆ واقیع و بەرچاوڕوونییەكیش هەبێت بۆ ئایندە. كردنەوەی كەناڵ بۆ گفتوگۆی لەسەرەخۆ لەنێوان هەموو لایەنەكاندا بە میكانیزمی چەسپاو و بەردەوام زۆر گرنگە، دەنا لە رۆژانی داهاتوودا بەو بۆچوونە و میكانزمە قەد لە بەرژەوەندی هیچ كوردێكدا نابێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ