"پەیامبەر"ی جوبران خەلیل جوبران بە کوردی بڵاوکرایەوە

رووداو- هەولێر

ماڵی وەفایی نوێترین بەرهەمی وەرگێڕدراوی نووسەر و وەرگێڕی کورد توانا ئەمین بەناونیشانی "پەیامبەر" بڵاوکردەوە.

وەرگێڕ لەبارەی ئەم کتێبەوە بە رووداوی راگەیاند "ئەم کتێبە پێکهاتووە لە ٢٨ گوتار، دەرباری ژیان و خوشەویستی و هاوسەرێتی و منداڵ و سامان و بەخشین، کتێبێکە لەسەر ئاستی فۆرم و تەکنیک سادە و لە ئاستی ناوەڕۆکدا قووڵ و قژقژە، خوێندنەوەی بۆ هەموو کەسێك دەشێت لە هەر تەمەنێکدا بێت و سەر بە هەر ئاینێک بێت."

پەیامبەر لە نووسینی جوبران خەلیل جوبرانە و لە دوای ئینجیل پڕفرۆشترین کتێبی سەدەی بیست بووە، بەجۆرێک پاش یەک سەدە لەچاپ بوونی، تاوەکو ئێستا هەفتانە ٥٠٠٠ هەزار دانەی لە سەرانسەری جیهاندا لێ دەفرۆشرێت و بۆ زیاتر لە ٥٠ زمانی جیهانی وەرگێڕدراوە.

توانا ئەمین، نووسەرێکی تاراوگەنشینی کوردە و زیاتر لە ١٥ بەرهەمی لە بوارەکانی چیرۆک، لێکۆڵێنەوەی ئەدەبی، وەرگێڕاندا هەیە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger