ئیڤان راکیتیچی یاریزانی یانەی بارسێلۆنا پێی وایە کریستیانۆ رۆناڵدۆ یاریزانێکی زۆر شکۆدارە بەڵام لەهەمان کاتدا رایگەیاند، لیۆنێل مێسی یاریزانێکە خاوەن بەهرەیەکی دەگمەنە.
رۆناڵدۆ و مێسی لە شۆرتلیستی فیفاـدان بۆ بەدەستهێنانی خەڵاتی باڵۆن دۆر، شانبەشانی مانوێل نۆیەری گۆڵپارێزی هەڵبژاردەی ئەڵمانیا و یانەی بایرن میونشن.
رۆناڵدۆ لە وەرزی رابردوو یارمەتی لۆس بلانکۆسیدا بۆبردنەوەی نازناوی چامپیۆنزلیگ، مۆندیالی یانەکان و کۆپا دێل رێی و جامی سوپەری ئەوروپا، مانوێل نۆیەریش یەکێک بوو لە هۆکارە سەرەکییەکانی هەڵبژاردەی ئەڵمانیا بۆ بردنەوەی نازناوی مۆندیالی 2014ـەی برازیل.
راکیتیچ ئاگاداری ئاستی هەردوو یانەیە و پێشتر چەندین جار رووبەڕووی رۆناڵدۆ یاریکردووە و لەم وەرزەشدا لەگەڵ مێسی مەشقەکان ئەنجامدەدات.
یاریزانی نێودەوڵەتی کرواتی پێی وایە هەرگیز یاریزانێکی وەک لیۆنێل مێسی نەبینیوە و رایگەیاند، ئەستێرەکەی بارسا شایەنی وەرگرتنی خەڵاتی باڵۆن دۆرە.
مێسی سەرکردایەتی ئارجێنتینای کرد بۆ گەیشتن بەیاری فیناڵی مۆندیالی برازیل و هەروەها توانی هەردوو ریکۆردی گۆڵکاری مێژوویی ئەوروپا و لالیگا بشکێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ