یاریزانێکی کورد بە گرێبەستێکی گەورە دەچێتە زەورا

رووداو - هەولێر

خەسرەو محەممەد ئەمین ناسراو بە (خەسرەو هەرکی) یاریزانی کورد لەگەڵ یانەی زەورای عێراقی گەیشتووەتە رێککەوتن و ئەمڕۆ بەفەرمی یاریزانەکە پەیوەندی بە یانەکەوە دەکات.

خەسرەو هەرکی بە تۆڕی میدیایی رووداوی راگەیاند، لەسەر هەموو شتەکان لەگەڵ یانەکە گەیشتووەتە رێککەوتن و کاژێر 19:00 بەکاتی باشووری کوردستان بەفەرمی گرێبەستەکەی لەگەڵ یانەکە واژۆدەکات.



گرێبەستی بەرگریکەرە کوردەکە لەگەڵ یانە جەماوەرییەکەی عێراق بۆ دوو وەرزە و بەرامبەر 100 ملیۆن دینار واژۆدەکرێت، مووچەی مانگانەی یاریزانەکەش یەک ملیۆن و نیوە.

خەسرەو هەرکی 26 ساڵ پێشتر لە ریزەکانی یانەی هەندرێن و هەولێر لە باشووری کوردستان یارییکردووە و لە خولی نایابی عێراقیشدا بۆ یانەی کەرخ یارییکردووە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger