رووداو – هەولێر
سەرۆکی یەکێتی تۆپی پێی عێراق هەواڵی کشانەوەی یانەی نەفت لە خولی عێراق بە دروو دەخاتەوە و رایدەگەیێنێت ئەو یانەیە لە خولەکە نەکشاوەتەوە.
عەبدولخالق مەسعود لەلێدوانێکی تایبەتدا بە رووداوی گوت، یانەی نەفت بەشێوەیەکی کاتی ئەو بڕیارەیانداوە بۆ ئەوەی کێشەکانیان چارەسەربکەن و لە ئەگەری چارەسەرکردنی کێشەکانیش یانەکە دەگەڕێتەوە نێو خولەکە.
مەسعود لەبارەی سزایەکانی یانەی جەوییە کە بەهۆی هێرشکردنە سەر یاریزانان و هاندەرانی یانەی نەفت گوتی، سزای ئەو یانەیە وەک خۆی دەمێنێتەوە و هیچ گۆرانکارییەکی تێدا ناکرێت.
دوای ئەوەی لە یاری رابردووی بەرامبەر یانەی جەوییە هاندەرانی ئەو یانەیە هێرشیان کردە سەر یاریزانان و هاندەرانی یانەی نەفت و هەڕەشەی کوشتنیان لێکردووە و جنێویان پێداون، بەو هۆیەوەش یانەکە بەبڕی 5 ملیۆن دینار سزادراوە و چەند یارییەکیش لە دەرەوەی یاریگەی خۆی و دوور لە هاندەرانی ئەنجامدەدات و سەرۆکی دەستەی هاندەرانیشی لە ئامادەبوونی یارییەکان سڕکراوە و هیچ یاریزانێکیش نابێت بە ئۆتۆمبێلی تایبەتی خۆی بێتە یاریگە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ