ناپۆلی گرێبەستی کۆلیبالی نوێکردەوە

 رووداو-هەوڵیر

بە فەرمی یانەی ناپۆلی کالیدۆ کۆلیبالی بەرگریکاری یانەکەی لە چنگی یانە گەورەکانی ئەوروپا پاراست و گرێبەستەکەی نوێکردەوە.

ئەم وەرزە و چەند وەرزێک پێش ئێستا بەهۆی ئاستبەرزییەوە چەند یانەیەک لە هەوڵدابوون کۆلیبالی بگوازنەوە یانەکەیان ، بەڵام پارتینۆپێ سەرجەم دەستەوارەکانی رەتکردەوە و بۆ ماوەی پێنج ساڵی دیکە و تاوەکو ساڵی 2023 گرێبەستی بەرگریکارە سەنیگالییەکەی نوێکردەوە.

لەلایەن خۆیەوە ئۆریلیۆ دی لاورێنتسی سەرۆکی یانەی ناپۆلی دڵخۆشی خۆی بە نوێکردنەوەی گرێبەستی کۆلیبالی دەربڕی و رایگەیاند، کالیدۆ یەکیکە لە باشترین بەرگریکارانی جیهان، هەروەها گووتی، دەستەوارەیەکمان بە بڕی 82 ملیۆن یۆرۆ رەتکردووەتەوە و سێ یانەی دیکەش ئامادەبوون کۆلیبالی بگوازنەوە یانەکەیان، بەڵام ئێمە رەتمانکردەوە.

کۆلیبالی تەمەنی 27 ساڵە و لە ساڵی 2014ەوە لە یانەی ناپۆلییە و 164 یاری ئەنجامداوە و هەشت گۆڵیشی تۆمارکردووە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger