شوفێرێکی فۆرمۆلا وەن بووە ئەندامی شانازی ریال مەدرید

رووداو -هەولێر

فێرناندۆ ئالۆنسۆی شۆفێری فۆرمۆلا وەن بووە ئەندامی شانازی یانەی ریال مەدرید.

دوای ئەوەی رێورەسمی دابەشکردنی خەڵاتی شانازی یانەی ریال مەدرید لە سانتیگۆ بێرنابیۆ ئەنجامدرا، فیرناند ئالۆنسۆ خەڵاتەکەی پێبەخشرا و رایگەیاند"رۆژێکی تایبەتە بۆ من، چونکە من لە منداڵییەوە هاندەری یانەی ریالم و باوکیشم لە مەدریدییە تۆخەکانە هەموو کات لە ماڵەوە باسی تۆپی پێدەکرا".

فلۆرەنتینۆ پێرێزی سەرۆکی یانە مەدریدییەکە باسی لێهاتووی و توانای ئەلۆنسۆی کردوو گووتی" کەسانی وەک ئالۆنسۆ بۆ ئێمە جێگەی شانازییە کە دەبن بە ئەندام لە یانەکەمان".

فێرناندۆئالۆنسۆ لە ساڵانی 2005 و 2006 بووە باشترین شۆفێری فۆرمۆلا وەن و جگە لە ئالۆنسۆ، رافایل نادالی یاریزانی تێنس هەروەها سێرخیۆ گارسییایی یاریزانی گۆڵف ئەندامی شانازی یانەی ریال مەدریدن.

 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger