قەتەر گرێبەستی کاپتنی کەشتییەکەی نوێکردەوە

رووداو - هەولێر

فیدراسیۆنی تۆپی پێی قەتەر بەفەرمی گرێبەستی فیلیکس سانچێز، راهێنەری هەڵبژاردەی وڵاتەکەی تاوەکو کۆتایی جامی جیهانی 2022 نوێکردەوە.

فیدراسیۆنەکە لە بەیاننامەیەکی فەرمیدا نوێکردنەوەی گرێبەستی راهێنەرەکەی راگەیاندووە، کە لە ساڵی 2017ـەوە سەرپەرشتی مەشق و راهێنانەکانی هەڵبژاردەکە دەکات و توانیی بۆ جاری یەکەم لە مێژوودا نازناوی جامی ئاسیا بۆ هەڵبژاردەکە بباتەوە.

راهێنەرە ئیسپانییەکە تەمەنی 43 ساڵە و لەگەڵ هەڵبژاردەی قەتەری خوار تەمەنی 19 ساڵ جامی ئاسیای 2014 بۆ جاری یەکەم لە مێژووی وڵاتەکەدا بردەوە، بەرپرسانی قەتەر ئۆمێدیان بە راهێنەرەکە هەیە بۆ ئەوەی بۆ مۆندیالی 2022 پێکهاتەیەکی بەهێز بۆ هەڵبژاردەکە ئامادەبکات.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger