ریاز مەحرەز ونبووە

رووداو-هەولێر

ریاز مەحرەزی یاریزانی یانەی لێستەر سیتی دوای ئەوەی شکستیهێنا لە پەیوەندیکردن بە مانچێستەر سیتی ئێستا خۆی ونکردووە و بەشداری راهێنانەکان ناکات.

بەگوێرەی هەواڵی رۆژنامەی میرۆر سپۆرت، دوای ئەوەی یانەی لێستەر بەهۆی داواکردنی پارەیەکی زۆر بۆ گواستنەوەی ریاز مەحرەز لە یانەی مانچێستەر سیتی داوکردو و گواستنەوەی  یاریزانە جەزایرییەکە شکستیهێنا، بۆیە یاریزانەکە لەوساتەوە خۆی ونکردووە و کەس نازانێت لەکوێیە.

رۆژنامەکە وێنەیەکی مەحرەزی داناوە نووسیویەتی" کەس دەزنێت ئەم پیاوە لە کوێیە؟".

 دوای نەرۆشتنی یاریزانەکە بۆ راهێنانەکانی، بۆیە یانەی لێستەر بە بڕی 200 هەزار پاوەند سزای مەحرەزییاندا، بەڵام یاریزانەکە دوای ئەوەش هەر دەنگی نییە و دیار نییە.

ریاز مەحرەزی باشترین یاریزانی پریمەرلیگ لە ساڵی 2016، یانەی مانچێستەر سیتی لە وەرزی گواستنەوەی زستانەی یاریزاناندا ئامادە بوو بڕی 65 ملیۆن یۆرۆ بۆ گواستنەوەی یاریزانەکە بدات، بەڵام یانەی لێستەر داوای 95ملیۆن یۆرۆی دەکرد بۆیە گواستنەوەکە شکستیهێنا.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger