هەڵەیەک روویدا! دووبارە هەوڵبدە
ئافرەتانی هەولێر
رووداو -سلێمانى
دوای جیابوونەوەیان لە یانەی ئافرۆدەیتی سلێمانی، حهوت یاریزانی یانەکە پەیوەندیان بە یانەی ئافرەتانی هەولێر کرد لە تیپی فوتساڵدا و بەشداری لە خولی فوتساڵی کچانی کوردستان دەکەن، کە 13ی ئەم مانگە دەستپێدەکات.
دواى ئەوەى وەرزى رابردوو بەهۆى قەیرانى داراییەوە خولى فوتساڵ ئەنجامنەدرا، بەڵام بۆ ئەم وەرزە بڕیاربوو لە ٦ى ئەم مانگە کاروانى یارییەکانى وەرزى نوێ دەستپێبکات، بەڵام بەهۆى کۆچى دوایى مام جەلال، بڕیاردرا خولەکە بۆ ماوەى هەفتەیەک دوابخرێت.
زۆربەى یاریزانەکانى ئافرەتانى هەولێر ئەزموونێکى زۆرى بەشداریکردنیان لە خولى نایاب هەیە و دەیانەوێت لەم وەرزە خەونى بەدینەهاتووى خۆیان و ئافرەتانى هەولێر بۆ یەکەمجار بەدى بهێنن.
لەم وەرزە ١٠ یانە بەشدارى خولى فوتساڵى یانە نایابەکانى کوردستان دەکەن، ئافرەتانى هەولێر لە کۆمەڵەى یەکەم لە گەڵ هەریەک لە یانەکانى، گازى باکوور، ئافرۆدێت، گارە و هەڵەبجەى شەهید لە کێبڕکێدا دەبێت. لە هەر گرووپە و دوو تیپ بۆ قۆناخى چوارگۆشەى زێڕین سەردەکەون.
یەکەم تاقیکردنەوەی تیپەکە بەرامبەر کچانی گارە دەبێت و دەیانەوێت نازناوی خولەکە بۆ ئافرەتانی هەولێر ببەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ