هەنگاوی یەکەمی ریال بۆ گواستنەوەی بێلۆتی دەستیپێکرد

رووداو-هەولێر

یانەی ریال مەدرید خۆی بۆ گواستنەوەی ئاندریا بێلۆتی یاریزانی یانەی تۆرینۆ ئامادە دەکات.

ئوربانۆ کاریۆی سەرۆکی یانەی تۆرینۆی ئیتاڵی لە لێدوانی بۆ رۆژنامەڤانان رایگەیاند" لەگەڵ فلۆرەنتینیۆ پێرێزی سەرۆکی یانەی ریال مەدرید نانێکمان خوارد و باسی چۆنییەتی هەڵوەشاندنەوەی گرێبەستی یاریزانانمان کرد و من بێلۆتیم وەک نموونە بۆ هێنایەوە، گووتم مەرجی هەڵوەشاندنەوەی گرێبەستی بێلۆتی 100 ملیۆن یۆرۆیە و ئەویش سەرسوڕمانی خۆی بۆ یاریزانە  23 ساڵییەکە دووپات کردەوە".

سەرۆکی یانەکە زیاتر گووتی" بێلۆتی یاریزانێکی زۆر باشە و گوێرایەڵە، دەزانێت چۆن پشت بە خۆی ببەستێت، هەرچەندە نرخی 100 ملیۆن یۆرۆیە و هەرگیز لوتبەرز نەبووە".

 ئاندریا بێلۆتی 23 ساڵ ماوەی دوو وەرزە یاری بۆ یانەی تۆرینۆ دەکات و ئەم وەرزە بە سەرەتایەکی خراپ دەستیپێکرد و تەنیا بەشداری 9 یاری کردووە و5 گۆڵی تۆمارکردووە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger