یانەی دەربەندیخان سەرکەوتنێکی گەورەی بەدەستهێنا

رووداو - دەربەندیخان

هاندەرانى دەربەندیخان بەمشێوەیە پاڵپشتى یاریزانانى یانەکەیان دەکەن

خاوەن یاریگا دەیەوێت یاریگاکەى لە هەڵەبجە بکات بە دۆزەخ، فشارێکى زۆریان دروست کرد بۆ تۆمارکردنى گۆڵى پێشکەوتن، خولەکى ٢٨ ئەرکان عەلى بەهەڵەى گۆڵى یەکەمى پێشکەشى خاوەن یاریگا کرد، دواى دوو خولەک شێرکۆ جەبار گۆڵى دووەمى تۆمار کرد. ئەمە ئەنجامى تایمى یەکەم بوو. 

بەهادین بەکر ترسى لە دڵى هاندەرانى دەربەندیخان دروست کرد، کاتێک لە سەرەتاى تایمى دووەم گۆڵى یەکەمى هەڵەبجەى تۆمار کرد، بەڵام زیائەدین بۆ دڵنایى ئەنجامەکە گۆڵى سێیەمى پێشکەشى هاندەران کرد، دیسانەوەى بەهادین بەکر بە تۆمارکردنى گۆڵى دووەمى خۆى و یانەکەى جیاوازییەکەى بۆ یەک گۆڵ کەمکردەوە، بە سێ خولەک پێش کۆتاییهاتنى کاتى یاسایى یارییەکە ناوبژیوان لێدانى سزاى بۆ دەربەندیخان هەژمار کرد. شوان کەمال گۆڵى دڵنایى و سەرکەوتنى بۆ دەربەندیخان تۆمار کرد. 

دواى ئەم یارییە دەربەندیخان بە ئەنجامدانى ١١ یاریى توانى کۆى خاڵەکانى بۆ ٢١ خاڵ بەرز کردەوە و بۆ سەرکەوتن بۆ قۆناخى داهاتوو پێویستى بە تەنیا یەک خاڵە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger