نهێنی گواستنەوەی بواتینگ بۆ بارسێلۆنا ئاشکراکرا

رووداو - هەولێر

ئێریک ئەبیدال، سکرتێری هونەری یانەی بارسێلۆنای ئیسپانی نهێنی گرێبەستکردن لەگەڵ پرینس بواتینگ، یاریزانی یانەی ساسۆلۆی ئیتاڵی ئاشکرادەکات.

ئەبیدال لە کۆنگرەی رۆژنامەڤانی ناساندنی یاریزانەکەدا گوتی، ئێمە چاوەڕێی بڕیاری مونیر حەدادی بووین بۆ ئەوەی گرێبەستەکە نوێ بکاتەوە یان بڕوات.

ئەو یاریزانەی پێشووی بارسا گوتیشی، کاتێک مونیر بە ئێمە گوت گرێبەستەکەی نوێ ناکاتەوە، دەستمان بە کارکردن کرد بۆ گواستنەوەی یاریزانێکی خاوەن ئەزموون و بە خێرایی کارمان بۆ گواستنەوەی کرد و دواجار بواتینگمان هەڵبژارد.

📍 Camp Nou
Welcome to your new home @KPBofficial 🤩
🔵🔴 #EnjoyPrince pic.twitter.com/1ODXrEw9yC

— FC Barcelona (@FCBarcelona) January 22, 2019

ئەبیدال لەبەشێکی دیکەی قسەکانیدا گوتی، ڤالڤێردی هیچ کەمتەرخەمیی نەکردووە و زۆر هاوکاربووە لە هەموو شتەکاندا و لە گواستنەوەی یاریزانەکانیش رازییە.

لە کۆتایی قسەکانیدا سکرتێری هونەری بارسێلۆنا دەربارەی گواستنەوەی فرانکی دی یۆنگ، یاریزانی ئەیاکس قسەیکرد و گوتی، ئێمە پرسیاری ئەو یاریزانەمان کردووە، زۆر یانە داوای ئەو دەکەن و چاوەڕێی بڕیاری یاریزانەکە دەکەین.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger