رووداو – هەولێر
ئامادەکارییەکان لە یاریگەی فرانسو هەریری بۆ یاری گەڕی کۆتایی خولی کوردستان بەردەوامە و سەرۆکێ یەکێتی تۆپی پێی کوردستانیش دەبێتە کارگوزار.
سەفین کانەبی سەرۆکی یەکێتی تۆپی پێی کوردستان، چەند وێنەیەکی خۆی لە ئەکاونتی خۆی لە تۆڕی کۆمەڵایەتی فەیسبووک بڵاوکردووەتەوە و لە وێنەکاندا دەردەکەوێت کانەبی سەرقاڵی شوشتنی پەیژەکانی یاریگەکەیە.
سەفین کانەبی لە پۆستەکەیدا نوسیوویەتی شانازی بە خزمەتکرنی هاندەرانی وەرزشی کوردستان دەکات و هیوای سەرکەوتنیان بۆ دەخوازێت.
رۆژی شەممە لە یاری گەڕی کۆتایی خولی یانە نایابەکانی کوردستان هەردوو یانەی هەولێر و پێشمەرگەی هەولێر کاژێر 18:30 لەسەر یاریگەی فرانسو هەریری رووبەڕووی یەکدەبنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ