کاڤانی: من هاوڕێی نەیمار نیم

رووداو-هەولێر

ئیدنسۆن کاڤانی یاریزانی یانەی پاریس سانجێرمانی فەرەنسی نەیمار بە هاوڕێی خۆی نازانێت.

کاڤانی لە لێدوانی بۆ رۆژنامەڤانانی فەرەنسا باسی نەیماری کردووە و گوتوویەتی" من و نەیمار هاوڕێ نین، ئەو زیاتر لەگەڵ تیاگۆ سێلڤا، مارکینیۆس و دانی ئالڤێش هاوڕێیە، لە یانەکەدا پێویست ناکات لەگەڵ هەمووی نزیک بیت لەگەڵ هەندێکیان نزیکیت لەگەڵ هەندێکێیان سنوور دادەنێی بۆ هاوڕێیەتی".

هەروەها یاریزانە ئۆرۆگواییەکە زیاتر دەڵێت" راستە من و نەیمار نێوانمان خۆش نییە، بەڵام پێویستە رێز لە پێکەوە بوونمان بگرین و هەموو هەوڵێک بۆ یانەکەمان بدەین و بتوانین نازناو بەدەستبهێنین".

ئیدنسۆن کاڤانی و نەیمار داسێلڤا لە یاری یانەکەیان بەرامبەر لیۆن لەسەر لێدانی سزا بووە کێشەیان و ماوەیەکی زۆر ببووە مانشێتی رۆژنامەکانی جیهان.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger