رووداو دەچێتە شوێنی دەرکەوتنی رۆناڵدۆ نازاریۆ دالیما
رووداو - هەولێر
هەموومان رۆناڵدۆ نازاریۆ دالیما، ئەستێرەی پێشووی هەڵبژاردەی بەرازیل دەناسین و یارییەکانیمان بینووە، بەڵام رەنگە لەبارەی ژیانی گەنجێتی و چۆنیەتی هاتنە ناوەوەی بۆ نێو یاریگەکان زانیاری زۆرمان نەبێت.
تۆڕی میدیایی رووداو چووەتە ئەو یانەیەی کە بۆ یەکەمجار رۆناڵدۆ لێی دەرکەوت لە تەمەنی 13 ساڵی یاری بۆ کردوون و لەوێوە بووە ئەستێرەیەکی گەورە، کە یانەی ساو کریستۆڤای بەرازیلییە، ئەو یانەیە لە خۆشەویستی رۆناڵدۆ ناوی یاریگەکەی کردووەتەوە ستادیۆ رۆناڵدۆ نازاریۆ دالیما، بەڵام ئاستی باش نییە و لە پلە دووی یانەکانی ویلایەتی ریۆ دی جانیرۆیە.
ئیمانوێل فرانچا، سەرۆکی یانەی ساو کریستۆڤاو کە یەکەم یانەی رۆناڵدۆ بووە بۆ رووداو قسەیکرد و گوتی، رۆناڵدۆ بۆ ئێمە هەمیشە جێگەی شانازی بووە و یەکێک لە سیمبۆلە گەورەکانی یانەکەمانە.
تیمی بەرنامەی وەرزین سەردانی ئەو یانەی کردووە و چەندین نهێنی لەسەر ژیانی رۆناڵدۆ لە بەرنامەیەکدا کە بەمزووانە پەخشدەکرێت ئاشکرادەکات.