رووداو - هەولێر
یانەی پاریس سانجێرمان بە ئامانجی بردنەوەی دووەم نازناوی ئەم وەرزە، لە یاریی کۆتاییدا رووبەڕووی یانەی رێن دەبێتەوە.
ئەمشەو کاژێر 22:00 لەسەر یاریگەی ستاد دۆ فرانس، هەردوو یانەی پاریس سانجێرمان و رێن رکابەری لەسەر بردنەوەی نازناوی جامی فەرەنسا دەکەن.
پاریس خاوەنی 12 نازناوی پاڵەوانێتییەکەیە و چوار وەرزی رابردوو لەسەریەک، نازناوەکەی بردووەتەوە و چاوی لە پێنجەمی لەسەریەکە، یانەی رێنیش تەنیا دووجار بووەتە پاڵەوانی جامی فەرەنسا، دوایینجار کە نازناوەکەی بردبێتەوە وەرزی 1971-1970 بووە، دوای 49 ساڵ جارێکی دیکە یانەکە دەیەوێت بە نازناوەکە شادببێتەوە.
لە پاریس سانجێرمان بەهۆی پێکانەوە ئەگەری زۆر هەیە کیلیان ئێمباپێ، گۆڵکاری خولی فەرەنسا بەشداری لە یارییەکەدا نەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ