رووداو - هەولێر
ئەنجامە چاوەڕواننەکراوەکانی تێنسی رۆڵاند گارۆس بەردەوامن، دوای ئەوەی کارۆلین ڤۆژنیاکی دانیمارکیش لە پاڵەوانێتییەکە کرایە دەرەوە.
لە یاریی یەکەمیدا لە پاڵەوانێتییەکەدا، کارۆلین ڤۆژنیاکی رووبەڕووی ڤیرۆنیکا کودیرمیتۆڤای رووسی بووەوە و یارییەکەی بە دوو کۆمەڵە بەرامبەر کۆمەڵەیەک دۆڕاند.
تێنسزانە رووسییە 22 ساڵەکە، یەکەمجارە بەشداری لە پاڵەوانێتییەکەدا دەکات، لە یەکەم یارییدا هەمووانی سەرسامکرد و بە سفر شەش، شەش سێ و شەش سێ سەر ڤۆژنیاکی سەرکەوت و سەرکەوتنێکی مێژوویی بەدەستهێنا و گەیشتە قۆناخی داهاتووی پاڵەوانێتییەکە.
کرانە دەرەوەی ڤۆژنیاکی لەکاتێکدایە کە هەر ئەمڕۆ پێترا کیڤیتۆڤای چیکیش بەهۆی پێکانەوە کشایەوە، پێشتریش ئانجلیک کێربەری ئەڵمانی تووشی شکستبووە و ماڵئاواییکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ