یانەی لێستەر سیتی داوای یاریزانێکی پاریس سانجێرمان دەکات

رووداو-هەولێر

یانەی لێستەر سیتی ئینگلیزی دەیەوێت بەشێوەی خواستن حاتم بن عارەفەی یاریزانی یانەی پاریس سانجێرمانی فەرەنسی بگوازێتەوە یانەکەی.

 بە گوێرەی هەواڵی میدیاکانی ئینگلتەرا، کلۆد پۆیڵی راهێنەری یانەی لێستەر سیتی دەیەوێت گرێبەستێک بخاتە بەردەم یانە فەرەنسییەکە بۆ ئەوەی بن عارەفە بباتە یانە ئینگلیزییەکە.

راهێنەرە فەرەنسییەکە لە لێدوانی بۆ رۆژنامەڤانان گوتوویەتی"  بەم زووانە حاتم دەبینین، بەڵام دەبێت پێشتر بە یاریزانەکانی خۆمدا بچمەوە سەیری توانایان بکەم دواتر هەوڵ بۆ گواستنەوەی یاریزانی یانە فەرەنسییەکە دەدەین".

حاتم بن عارەفە ئەم وەرزە لەلایەن راهێنەری یانەی پاریس سانجێرمان لە پێکهاتە دوورخراوەتەوە، بۆیە یانەی لێستەر هاتووەتە سەرهێڵ دەیەوێت بیباتە یانەکەی خۆی.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger