داریۆ سپۆرت: نەیمار بۆ پشکنینە پزیشکییەکان بەرەو قەتەر بەرێکەوت

رووداو – هەولێر

نەیمار داسێلڤای یاریزانی یانەی بارسێلۆنا، وێنەیەکی خۆی لەگەڵ باوکی بڵاوکردووەتەوە و بەم وێنەیە ترسی رۆیشتنی لە یانەی بارسێلۆنا زیاتر دەبێت.

رۆژنامەی داریۆ سپۆرت بڵاویکردووەتەوە، نەیمار داسێلڤا بەرەو قەتەر بەڕێدەکەوێت و لەوێدا چاوی بە ناسر خلێفی سەرۆکی یانەی پاریس سانجێرمان دەکەوێت بۆ یەکلاکردنەوەی گرێبەستی یاریزانە بەرازیلییەکە.

رۆژنامەکە ئاماژەشی بەوەکردووە کە دوای رێککەوتنی هەردوولا، نەیمار هەر لە قەتەردا و لە کۆمەڵگای پزیشکی ئەسپایەر، کە تایبەتە بە یانەی پاریس سانجێرمان پشکینینە پزیشکییەکان ئەنجامدەدات و دواتر بە مێدیاکان دەناسێنرێت.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger