رووداو دیاسپۆرا
رووداو دیجیتاڵ
تۆڕی میدیایی رووداو لە چوارچێوەی گرنگیدانی بە کوردانی دەرەوەی وڵات، پڕۆژەی "رووداو دیاسپۆرا"ی لە تۆڕە کۆمەڵایەتییەکان فراوانتر کرد و خزمەتگوزاریی زیاتر پێشکێش بە رەوەندی کوردی دەکات.
پڕۆژەی رووداو دیاسپۆرا ئێستا لە پلاتفۆرمەکانی فەیسبووک، ئینستاگرام و یوتیووب بە شێوەیەکی بەرفراوان کارەکانی دەکات. ئامانج لەم هەنگاوە تەنیا گواستنەوەی هەواڵ نییە، بەڵکو رووماڵکردن و بڵاوکردنەوەی ئاگاداریی سەرجەم چالاکییەکان، خۆپێشاندان، فێستیڤاڵ و کۆنسێرتەکانە کە پەیوەندییان بە کوردانی دیاسپۆراوە هەیە.
لە بەشێکی دیکەی خزمەتگوزارییەکانی پەیجەکانی رووداو دیاسپۆرا، رۆژانە نرخی ئەو دراوانەی کوردانی دیاسپۆرا مامەڵەی پێوەدەکەن، بەراورد بە دیناری عێراقی، تمەنی ئێرانی، لیرەی تورکی و لیرەی سووری بڵاودەکرێنەوە. هاوکات بەهۆی گۆڕانکارییەکانی نرخی سووتەمەنی، بە ئامادەکراوی بەراوردی نرخی بەنزین و دیزڵ لە نێوان ئەو وڵاتانە دەکرێت کە رەوەندی کوردییان تێدا دەژین.
هەروەها پەیجەکانی رووداو دیاسپۆرا دەبنە سەکۆیەک بۆ بڵاوکردنەوەی هەواڵە کۆمەڵایەتییەکان، لەوانەش بڵاوکردنەوەی هەواڵی گیانلەدەستدان و پرسەی کەسایەتییەکان یان هاووڵاتییانی دیاسپۆرا، یان ئەو کەسانەی لە کوردستانن و کەسوکاریان لە دەرەوەی وڵات دەژین.
بۆ ئاسانکاریی زیاتر و دروستکردنی پردی پەیوەندی لەگەڵ بینەر و فۆڵۆوەرەکانیدا، رووداو دیاسپۆرا هێڵێکی گەرمی راگەیاندووە. کوردانی دیاسپۆرا دەتوانن هەر ئێستا لە رێگەی ژمارە تەلەفۆنی (00491736666046) بە پەیامی دەنگی یان تێکست، لە تۆڕەکانی واتسئەپ و تێلێگرام پەیوەندی بکەن و ئاگاداریی چالاکییەکان، هەواڵی شادییەکان یان پرسەکانیان بنێرن تاوەکو لە لاپەڕەکانی رووداو دیاسپۆراوە بڵاوبکرێنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ