لە ژاپۆن یادی کارەساتی ناگاساکی دەکرێتەوە

رێورەسمەکە لە شاری ناگاساکی و بە ئامادەبوونی شینزۆ ئابێ، سەرۆکوەزیرانی ژاپۆن و کەسوکاری قوربانیان بەڕێوەچوو، تێیدا تاجە گوڵینە لەسەر مەزاری قوربانییەکان دانرا. 

لە گوتارێکیدا کە لە رێورەسمەکەدا پێشکەشیکرد، ئابێ داوای "جیهانێکی خاڵی لە چەکی ئەتۆمی" کرد و رایگەیاند، پێویستە هیرۆشیما و ناگاساکی ببنە هۆی ئەوەی رێگە نەدرێت چیدیکە رووداوی لەو جۆرە دووبارە ببێتە.

سەرۆکوەزیرانی ژاپۆن ئاماژەی بەوەشکرد، لە ماوەی چەند ساڵی رابردوودا، ژینگەی ئاسایشی جیهانیی گرژبوونی زۆری بە خۆوە بینیوە و بۆشایی نێوان وڵاتان سەبارەت بە پرسەکانی چەکداماڵینی ئەتۆمی زیاتربووە. 

رۆژی 9ـی ئابی 1945 ئەمریکا بە چەکی ئەتۆمی ناگاساکی بۆردومان کرد و بە هۆیەوە 70 هەزار کەس کوژران؛ بۆردومانی ئەتۆمیی ناگاساکی سێ رۆژ دوای بۆردومانی ئەتۆمی هیرۆشیما بوو کە بە هۆیەوە 140 هەزار کەس کوژران. 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger