رووداو دیجیتاڵ
دوو بەرپرسی ئەمریکی دەڵێن، یەکەیەکی مارێنز کە لە 2,200 سەرباز پێکهاتوون و لەسەر سێ کەشتیی جەنگیی هێزی دەریایی ئەمریکان، فەرمانیان پێدراوە بەرەو رۆژهەڵاتی نێوەڕاست بەڕێبکەون.
یەکەی 31ی مارێنز بە شێوەیەکی هەمیشەیی لە ژاپۆن جێگیرە، ئێستا فەرمانی پێدراوە ناوچەکە جێبهێڵێت و بەرەو رۆژهەڵاتی نێوەڕاست بچێت.
بەگوێرەی لێدوانی بەرپرسە ئەمریکییەکان، ناردنی ئەم یەکەیە بەو واتایە نییە کە وەک هێزێکی زەوینی دژی ئێران بەکاربهێندرێ، بەڵکو مەبەست لێی دابینکردنی توانای زەمینی، دەریایی و ئاسمانییە کە لە کاتی پێویستدا لەژێر دەستی فەرماندە سەربازییەکاندا دەبن.
ئەم یەکەیە چەندین کەرەستەی سەربازیی پێشکەوتووی لەبەردەستە، لەوانە فڕۆکەی جەنگیی ئێف سی پێنج و فڕۆکەی 22 ئێم ڤی.
ناردنی ئەم هێزە لە کاتێکدایە، لە رۆژی 28ی مانگی رابردووەوە جەنگی نێوان ئیسرائیل و ئەمریکا لەگەڵ ئێران دەستی پێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ