ئەندامێکی ئهنجوومهنی زانستیی ڤایرۆسی كۆرۆنای نوێ كۆڤید-19 لە تورکیا هۆشداری دەدات لە بەرزبوونەوەی زیاتری حاڵەتی توشبوون لەو وڵاتە و رایدەگەیێنێت، حاڵەتی توشبوون لە تورکیا بۆ 30 هەزار کەس بەرز دەبێتەوە.
شەوی رابردوو، دوای کۆنگرەی رۆژنامەڤانی فەخرەددین کۆجا، وەزیری تەندروستی تورکیا و راگەیاندنی بەرزبوونەوەی ژمارەی تووشبووان بۆ 47 کەس، پڕۆفیسۆر دکتۆر ئاڵپای ئازاب کە زانایەکی بواری بایۆلۆجی و هاوکات ئەندامی ئهنجوومهنی زانستیی ڤایرۆسی كۆرۆنای نوێ (كۆڤید-19)یە لە تورکیا، لە دیمانەیەکی تەلەڤزیۆنیدا هۆشداریی دا لە زیادبوونی ژمارەی تووشبووان.
پڕۆفیسۆر دکتۆر ئاڵپای ئازاب رایگەیاند، چاوەڕێ دەکرێت لە سێ بۆ چوار هەفتەی داهاتوودا ژمارەی توشبووان بە ڤایرۆسی کۆرۆنا لە تورکیا بۆ پێنج هەزار بەرز ببێتەوە.
ئاڵپای ئازاب ئاماژەی بەوە کرد، ئەگەر بێتو حکومەت رێوشوێنی زۆر جیددی نەگرێتەبەر، خەڵکیش خۆپارێزی نەکەن و پابەندی رێنماییەکان نەبن، لە ماوەیەکی کەمدا ژمارەی تووشبووان بۆ زیاتر لە 30 هەزار کەس بەرز دەبێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ