بەهۆی بڵاوبوونەوەی ڤایرۆسی کۆرۆناوە لە زۆربەی وڵاتانی ئەوروپا، سنوورەکانی نێوان زۆربەی وڵاتەکان داخراون و رێگە بە هاتووچۆی خەڵکی ئاسایی لە وڵاتێکەوە بۆ وڵاتێکی دیکە نادرێت.
لە سنووری نێوان فەرەنسا و ئیسپانیا داخراوە. حکومەتی ئیسپانیا لە ناوچە سنوورییەکان رێکاری تووندی گرتووەتەبەر؛ هەموو ئەو کەسانە دەپشکنێت کە لە فەرەنساوە دەچنە ئیسپانیا.
فەرەنسا و ئیسپانیا یەکێکن لەو دوو وڵاتە ئەوروپیانەی لە دوای ئیتاڵیا زۆرترین تووشبووی کۆرۆنایان لێ تۆمارکراوە و رۆژانەش خەڵکی زیاتر تووشدەبن.
بۆ رێگریکردن لە گوازرانەوەی ڤایرۆسەکەش، بەدەر لە داخستنی سنوورەکان، هاوکات هەردوو حکومەتەکانی ئیسپانیا و فەرەنسا باری نائاسایی و قەدەخەی هاتووچۆیان لە وڵاتەکانیاندا راگەیاندووە.
تاوەکو ئێستا زیاتر لە شەش هەزار و 600 کەس لە فەرەنسا تووشی ڤایرۆسی کۆرۆنا بوون و 148 کەسیش بەو هۆیەوە گیانیان لەدەستداوە.
لە ئیسپانیایش ژمارەی تووشبووان بە ڤایرۆسی کۆرۆنا 11 هەزار کەسی تێپەڕاند و نزیکەی 300 کەسیش بەو هۆیەوە گیانیان لەدەستداوە
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ